तारा तुटल्याचे दिसल्यावर मनातील इच्छा पूर्ण होते?
आकाशात कधीतरी तुटलेला, पडणारा तारा तुम्ही पाहिला असेल. पडणारा तारा पाहून अनेकजण आपली मनातील इच्छा व्यक्त करतात.
आपल्या देशात अशी श्रद्धा आहे की, पडणारा तारा पाहून व्यक्त केलेली इच्छा सहज पूर्ण होते. याला काहीजण अंधश्रद्धाही मानतात
पण असं आजकाल मानलं जात नसून शतकानुशतके हे सांगितलं जात आहे. पडणारा तारा (शूटिंग स्टार) पाहणे खरोखरच दुर्मिळ असते.
त्यामुळे तुटलेला तारा पाहणारे स्वतःला भाग्यवान समजतात, परंतु पडणारा तारा दिसल्याने खरोखर काही शुभ होते का?
किंवा कोणत्याही प्रकारची इच्छा पूर्ण होते का? याविषयी ज्योतिषी आणि वास्तुतज्ज्ञ पंडित हितेंद्रकुमार शर्मा सांगत आहेत.
प्राचीन काळी लोक रात्रीच्या वेळी तारे पाहून दिशा ठरवत असत आणि अनेक अंदाज सुद्धा लावत असत. प्राचीन लोकांच्या मते, पडणारा तारा पाहिल्यास एखाद्या व्यक्तीच्या जीवनात बदल होतो.
पडणारा तारा पाहणे नेहमीच चांगले असते, असे म्हणता येणार नाही. अनेक लोक तुटलेल्या ताऱ्यांकडून इच्छा मागणे अशुभ मानतात.
प्राचीन काळी लोक ताऱ्यांकडे पाहून पिकांचा अंदाज लावत असत. काही लोकांचा असा विश्वास आहे की, पडणारा तारा देवता, शुद्धीकरण आणि विश्वाशी संबंधित रहस्ये प्रकट करतो.
काही लोकांचा असाही विश्वास होता की पडणारे तारे नवीन आत्मे असतात, जे जन्म घेण्यासाठी आकाशातून पृथ्वीवर येत आहेत.
तर काहींचा असा विश्वास आहे की, पडणारे तारे मृतात्मे आहेत, जे आपल्याला आठवण करून देतात की ते अजूनही येथे आहेत.
वैज्ञानिक कारण - पडणारा तारा आकाशात उडताना दिसतो, पण प्रत्यक्षात तो तारा नसतो. तो आकाशातील खडकाचा किंवा धुळीचा एक छोटा तुकडा असतो
तो अवकाशातून येतो आणि पृथ्वीच्या वातावरणाशी आदळतो. जेव्हा हा खडक पृथ्वीच्या वातावरणात प्रवेश करतो तेव्हा घर्षणामुळे तो जळू लागतो.
त्यामुळे प्रचंड चमक निर्माण होते. खगोलशास्त्रज्ञ त्याला उल्का म्हणतात, त्यालाच सर्वसाधारणपणे पडणारा तारा म्हणतात.
बहुतेक उल्का पृथ्वीच्या वातावरणात जळतात आणि जमिनीपर्यंत पोहोचतच नाहीत, परंतु काही वेळा काही उल्का इतक्या मोठ्या असतात की
पृथ्वीच्या वातावरणातील घर्षणादरम्यान त्या पूर्णपणे जळत नाहीत आणि पृथ्वीच्या पृष्ठभागावर येऊन पडतात. त्यांना उल्का पिंड असे म्हणतात.
किचनचे हे वास्तू नियम तुम्ही पाळता का?
Click Here