हापूस आंबा ओळखण्यासाठी 'ही' ट्रिक वापरा
फळांचा राजा आंब्याची गोडी चाखण्यासाठी अनेकांना उन्हाळ्याची प्रतीक्षा असते.
आता मार्च महिन्यात आंब्याची आवक सुरू झाली आहे.
जालना शहरातही देवगडचा हापूस आंबा विक्रीसाठी दाखल झालाय.
हा आंबा सर्वाधिक फेमस असल्यानं त्याच्या नावाखाली अनेकदा फसवणुकीचे प्रकारही घडतात.
हे प्रकार टाळण्यासाठी कोणती ट्रिक वापरावी हे आपण पाहूयात
राजू पटेल हे गेल्या अनेक वर्षांपासून आंब्याचा व्यवसाय करतात.
त्यांनी गेल्या आठवड्यासून जालना शहरात स्टॉल लावले असून त्यामध्ये ते हापूस आंब्याची विक्री करतात.
सध्या 900 ते 1100 रुपये प्रती डझन हापूसचा भाव आहे.
राजू पटेल यांनी दिलेल्या माहितीनुसार, अस्सल हापूसला सुगंध असतो.
या सुगंधावरुन आपण त्याची पारख करु शकतो.
त्याबरोबर त्या आंब्याची साल ही कमी जाडीची आणि पातळ असते.
हा आंबा कापल्यानंतर गडद केसरी रंगाचा असतो.
तर इतर हापूस हा फिकट रंगाचा असतो. बनावट हापूस आंब्याची साल जाड असते.
या प्रकारे ग्राहक अस्सल हापूस आंब्याती पारख करु शकतात.