शेतकऱ्यानं पिकवली चक्क पांढऱ्या रंगाची जांभळं!
राज्यातील शेतकरी अनेक संकटांना तोंड देत असतानाही शेतीमध्ये वेगवेगळे प्रयोग करत असतात.
असाच एक प्रयोगजालना जिल्ह्यातील शेतकरी एकनाथ मुळे यांनी केला आहे.
आपणास जांभळ्या रंगाची जांभळं माहीत आहेत.
मात्र, एकनाथ मुळे यांनी आपल्या शेतात चक्क पांढऱ्या रंगाची जांभळं पिकवले आहेत.
एकनाथ यांचा हा प्रयोग यशस्वी देखील झाला आहे.
शेतकरी एकनाथ मुळे यांचे गाव जालना जिल्ह्यातील सिंधी काळेगाव आहे.
एकनाथ मुळे यांच्याकडे 25 एकर वडिलोपार्जित जमीन आहे.
यामध्ये ते वेगवेगळे प्रयोग करत असतात.
इंटरनेटवर सर्च करुन त्यांनी पांढऱ्या रंगाच्या जांभळा विषयी माहिती मिळवली.
यांनतर या रोपांची पश्चिम बंगाल राज्यातून खरेदी केली.
300 रुपये प्रति रोप प्रमाणे त्यांनी 200 रोपे खरेदी करून 2019 मध्ये एक एकर क्षेत्रावर 12 बाय 10 फुटावर त्याची लागवड केली.
सध्या एकनाथ मुळे यांच्या शेतमधील जांभळाची झाडे तीन वर्षांची झाली असून झाडांना मोठ्या प्रमाणावर जांभळे लागली आहेत.