नऊवारीची ‘इथं’ करा स्वस्तात खरेदी
सणवार म्हटलं की नऊवारी साडी ओघाने आलीच. अनेक कार्यक्रमात नऊवारी नेसण्यालाच महिला पसंती देतात.
हा ट्रेंड आता बदलत असून पारंपरिक नऊवारीऐवजी नवनवीन पद्धतीने नऊवारी शिवून घेण्याला प्राधान्य दिले जात आहे.
ब्राह्मणी, पेशवाई, मयूरपंखी, शाही मस्तानी, देवसेना आणि जिजाऊ या प्रकारची नऊवारी साडी नेसून मिरवण्यात महिलांना आनंद वाटतो.
नऊवारी साड्यांचे नवनवीन प्रकार पुण्याजवळच्या चिंचवडमधील बाजारपेठेत खरेदी करता येतील.
चिंचवडमधील नऊवारी नार या कलादालनात तुम्ही अगदी 1 वर्षांपासूनच्या चिमुकलीपासून ते 80 वर्षांच्या आजीपर्यंत सर्वांसाठी नऊवारी साड्या खरेदी करू शकता.
या साड्यांचे अनेक प्रकार बाजारात मिळतात. पण, ती नेसणं महिलांना शक्य होत नाही.
त्यावर उपाय म्हणून नऊवारी शिवण्यास महिलांची पसंती असते.
या सर्व प्रकारच्या साड्या कमीत-कमी म्हणजे 800 रुपयांपासून चिंचवडच्या या कलादालनात मिळतात.
मागच्या वर्षी ब्राह्मणी, पेशवाई आणि मस्तानी या प्रकारच्या नऊवारी साडय़ा शिवून घेण्यास महिलांची पसंती होती.
मात्र, यंदाच्या वर्षी नऊवारी साडय़ा शिवून घेण्यासाठी आणखी नवीन प्रकार आले आहेत.
शाही मस्तानी, मयूरपंखी हे साडय़ांचे नवीन प्रकार घेण्याकडे महिलांचा कल आहे, असं या कलादालनाच्या संचालिका चैताली भोईर यांनी सांगितलं.