महागाईच्या काळातही फक्त 8 रुपयांंमध्ये मिळतोय वडापाव!
महागाईच्या जमान्यातही सर्वसामान्यांच्या खिशाचा विचार मुंबईतील एका तरूणानं केला आहे. तो आजही मुंबईतील कुर्लामध्ये फक्त 8 रूपयांमध्ये वडा-पाव विकत आहे.
मुंबईतील कुर्ला पश्चिम परिसरात स्टेशनच्या अगदी जवळ नशेमन हॉटेलच्या बाजूला असलेल्या रायगड वडापाव येथे फक्त 8 रूपयात वडापाव मिळतो.
पनेवल, खारघर नवीमुंबई येथे राहणारे भोलेनाथ पाटील यांचं पदवी शिक्षण पूर्ण झालं आहे. मात्र त्यानंतर काही तरी वेगळं करण्याची इच्छा मनात होती.
भोलेनाथ पाटील यांनी सध्याची परिस्थितीची जाण ठेवून फक्त 8 रुपयांमध्ये वडपाव विकण्यास सुरूवात केली आहे.
हा पॉकेट फ्रेंडली वडा-पाव खाण्यासाठी सर्वजण गर्दी करत आहेत.
कोरोनामुळे अनेकांचे जेवणाचे वांदे झालेत. त्या परिस्थितीमध्ये सर्वांना मदत व्हावी म्हणून आम्ही 8 रुपयात वडापाव देण्याचं ठरवलं.
इतर ठिकाणी वडापावची किंमत 15 पेक्षा जास्त आहे. त्याच किंमतीमध्ये आमच्याकडं दोन वडापव मिळतात. या वडापावचा आकारही इतर वडापाव इतकाच आहे.
त्याचबरोबर आम्ही मिसळपाव देखील 25 रुपयांना देतो, अशी माहिती भोलेाथ यांची बहिण संज्योती गायकवाड यांनी दिली.
रायगड वडापाव सकाळी 9 ते रात्री 9 पर्यंत असते.