वाफवलेल्या गव्हाचा चिवडा नंदूरबार जिल्ह्यात प्रसिद्ध आहे.
या चिवड्याचा वापर नाश्त्यासाठी करण्यात येतो.
आज आम्ही तुम्हाला हा चिवडा कसा बनवायचा याची रेसिपी सांगणार आहोत.
साहित्य : 1) वाफवलेले गहू- एक वाटी 2) शेंगदाणे-पाऊण वाटी 3) डाळ्या -पाऊन वाटी
4)लसणाच्या-15 ते 20 पाकळ्या 5) अख्खेधने -फोडणीत चवीनुसार 6)बारीक दळलेली साखर-चवीनुसार
7) तेल -फोडणीपुरते 8) मीठ -चवीनुसार 9) कढीपत्ता -चार ते पाच काड्या. 10) जिरे-फोडणी पुरते 11)हिंग-फोडणी पुरते
चिवडा बणवण्याची पद्धत : प्रथम लोखंडाच्या कढईत अर्धी वाटी मीठ टाकून तापवायला ठेवावे. त्यात हे गहू मूठभर टाकून सारखे हलवायचे.
गहू चांगले फुटल्यानंतर त्यांना चाळणीत टाकून मीठ वेगळे करून पुन्हा ते मीठ कढईत टाकून पुन्हा गहू टाकायचे व चांगले भाजायचे व मीठ वेगळे करत करत सर्व गहू भाजून घ्यावे.
त्याच कढईत प्रथम तेल तापवायला ठेवावे. शेंगदाणे, डाळ्या एक एक करून तळून भाजलेल्या गव्हात टाकावे. मंद आचेवर नंतर त्यात लसणाच्या कापळ्या टाकून चांगल्या लाल होऊ द्यायच्या.
पुन्हा गॅस सुरु करून पुन्हा परतवायचे.वरून त्यात बारीक दळलेली साखर टाकून पुन्हा फ्राय करून घ्यायचे.या पद्धतीनं गव्हाचा चिवडा तयार होतो.