गुजरातमधील गांधीनगर येथील न्यायालयाने सोमवारी आसारामला 2013 मध्ये झालेल्या बलात्कार प्रकरणात दोषी ठरवले.
आसारामची पत्नी लक्ष्मीबेन, मुलगी भारती, निर्मला लालवाणी, मीरा कलवानी, ध्रुवबेन लालवाणी आणि जावंतीबेन चौधरी या सहा आरोपींची निर्दोष मुक्तता केली.
2013 मध्ये आसाराम बापू आणि त्याचा मुलगा नारायण साई यांच्यासह 8 जणांविरुद्ध आयपीसीच्या विविध कलमान्वये गुन्हा दाखल करण्यात आला होता.
बलात्काराच्या दुसर्‍या प्रकरणात दोषी ठरल्यानंतर आसाराम सध्या जोधपूर तुरुंगात आहे.
तर नारायण साईविरुद्ध सुरतच्या न्यायालयात स्वतंत्र खटला सुरू आहे.
दोन बहिणींनी आसाराम आणि त्याच्या मुलाविरुद्ध तक्रार दाखल केली होती.
अहमदाबादजवळील मोटेरा आश्रमात 1997 ते 2006 दरम्यान त्यांच्यावर बलात्कार झाला होता. धाकट्या बहिणीने नारायण साई आणि मोठीने आसारामविरोधात तक्रार दाखल केली होती.
एफआयआरनुसार, आसारामने 2001 ते 2006 दरम्यान महिलेवर अनेक वेळा बलात्कार केला, जेव्हा ती शहराच्या बाहेरील आश्रमात राहत होती.
ऑक्टोबर 2013 मध्ये, सूरतस्थित एका महिलेने आसाराम आणि इतर सात जणांविरुद्ध बलात्कार आणि बेकायदेशीर कैदेत ठेवल्याचा आरोप केला होता.
खटला सुरू असताना एका आरोपीचा मृत्यू झाला. जुलै 2014 मध्ये या प्रकरणी आरोपपत्र दाखल करण्यात आले होते.