साडेसाती असणाऱ्यांनी शनी जयंती करा हे उपाय
शनिदेवाला पुराण आणि धर्मग्रंथांमध्ये न्यायाची देवता म्हटलं आहे. धार्मिक ग्रंथानुसार सूर्यदेव हे त्यांचे वडील आणि छाया ही त्यांची आई मानली जाते.
दरवर्षी त्यांची जयंती वैशाख महिन्यातील अमावास्येला साजरी केली जाते. यंदा शनी जयंती 19 मे रोजी येत आहे.
शनि जयंतीला शनिदेवाची पूजा विधीपूर्वक केल्यानं सर्व समस्या दूर होतात, साडेसातीचा त्रास कमी होतो, असे मानले जाते.
तुमच्या कुंडलीमध्ये शनिदोष किंवा शनि प्रकोपाचा त्रास होत असेल तर आज आम्ही तुम्हाला यापासून बचाव करण्याचे काही उपाय सांगणार आहोत
ज्योतिषांच्या मते मकर, मीन आणि कुंभ राशीच्या लोकांवर शनीची साडेसाती सुरू आहे. त्याच्या परिणामामुळे त्यांचे कोणतेही काम यशस्वी, नीट होत नसल्याने त्यांना सर्वत्र नुकसान सहन करावे लागत आहे.
या संकटातून सुटका मिळवण्यासाठी या तीन राशीच्या लोकांनी नियमितपणे हनुमान चालीसा आणि बजरंग बाण पठण करावे.
धार्मिक विद्वानांच्या म्हणण्यानुसार ज्या लोकांना शनीची धैय्या किंवा साडेसातीचा त्रास होत असेल त्यांनी शनि जयंतीच्या दिवशी शनीला धतुर्‍याचे बीज अर्पण करावे.
भोलेनाथाची पूजा केल्याने शनिदेवही प्रसन्न होतात आणि आशीर्वाद देतात. या उपायाने व्यक्तीचे अडकलेले काम पूर्ण होऊ लागते आणि घरातील सर्व संकटे दूर होतात.
साडेसातीचा त्रास असणाऱ्यांनी शनि जयंतीच्या दिवशी मंदिरात जाऊन शनिदेवाची पूजा करावी. मात्र, मंदिरात मूर्तीच्या चेहऱ्याकडे बघणे टाळा.
शनि जयंतीला काळे कुत्रे, कावळा किंवा काळ्या बैलाला अन्नदान करावे. असे केल्याने शनिदेवाचा राग शांत होतो आणि ते प्रसन्न होऊन आशीर्वाद देतात, असे मानले जाते.
(सूचना : येथे दिलेली काही माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)
कर्ज घेण्यासाठी हे दिवस अशुभ
Click Here