श्रावणातील विनायक चतुर्थी व्रत कधी?
अधिक श्रावण मासातील शुक्ल पक्षातील चतुर्थी तिथीला श्रावणातील पहिली विनायक चतुर्थी आहे.
यंदा श्रावण दोन महिन्यांचा असल्यानं दोन वेळा विनायक चतुर्थी व्रत केले जाणार आहे.
विनायक चतुर्थीला रवियोग तयार होत असला तरी त्या दिवशी भद्रकाळही आहे. विनायक चतुर्थीच्या दिवशी श्रीगणेशाची विधीवत पूजा केली जाते.
अधिक महिन्यातील शुक्ल पक्षातील चतुर्थी तिथी 21 जुलै रोजी सकाळी 06.58 पासून सुरू होईल आणि ही तिथी 22 जुलै रोजी सकाळी 09.26 पर्यंत वैध असेल.
उदयतिथीच्या आधारे, शुक्रवार, 21 जुलै रोजी श्रावणातील पहिली विनायक चतुर्थी साजरी केली जाईल. या दिवशी उपवास ठेवून श्री गणेशाची पूजा करावी.
21 जुलै रोजी विनायक चतुर्थीच्या पूजेचा शुभ मुहूर्त दोन तास 45 मिनिटे आहे. या दिवशी गणेश पूजनाचा शुभ मुहूर्त सकाळी 11.05 ते दुपारी 01.50 पर्यंत आहे.
चतुर्थीच्या दिवशी लाभ-उन्नति मुहूर्त सकाळी 10.44 ते दुपारी 12.27 पर्यंत आहे. तर अमृत-सर्वोत्तम मुहूर्त दुपारी 12:27 ते दुपारी 02:10 पर्यंत आहे.
विनायक चतुर्थी रवियोगात आहे. 21 जुलै रोजी दुपारी 01.58 वाजेपासून रवि योग सुरू होत असून हा योग रविवार, 22 जुलै रोजी पहाटे 05.37 पर्यंत राहील.
चतुर्थीच्या दिवशी, भद्रकाळ रात्री 08:12 पासून सुरू होत असून दुसऱ्या दिवशी 22 जुलै रोजी सकाळी 05:37 पर्यंत आहे.
या भद्राचा वास पृथ्वीवर आहे. भद्रकाळात कोणतेही शुभ कार्य करू नये.
ही शुक्ल पक्षाची चतुर्थी आहे. या व्रतामध्ये गणेशाची पूजा विधिवत केली जाते. गणपती बाप्पाच्या आशीर्वादाने सर्व कामे शुभ आणि सफल होतात.
(सूचना : येथे दिलेली माहिती धार्मिक श्रद्धेवर आधारित आहे. याला शास्त्रीय पुरावा नाही. न्यूज 18 लोकमत त्याची हमी देत नाही.)
कर्ज घेण्यासाठी हे दिवस अशुभ
Click Here