वर्षातील पहिले चंद्रग्रहण कधी लागणार?
2023 मध्ये एकूण 4 ग्रहण होणार आहेत, ज्यामध्ये पहिले सूर्यग्रहण आधीच झाले आहे, जे भारतात दिसत नव्हते. यानंतर वर्षातील पहिले चंद्रग्रहणही लवकरच होणार आहे.
वर्षातील पहिले चंद्रग्रहण वैशाख पौर्णिमेला म्हणजेच बुद्ध पौर्णिमेच्या दिवशी होईल. वैज्ञानिकदृष्ट्या, जेव्हा पृथ्वी चंद्र आणि सूर्य यांच्यामध्ये येते तेव्हा चंद्रग्रहण होते.
हिंदू पौराणिक कथेनुसार, जेव्हा राहू चंद्राला त्रास देतो, तेव्हा चंद्रग्रहण होते. सूर्यग्रहण आणि चंद्रग्रहणापूर्वीचा सूतक काळ मानला जातो.
2023 वर्षातील पहिले चंद्रग्रहण शुक्रवार, 5 मे 2023 रोजी रात्री 8:45 वाजता सुरू होईल आणि उशीरा पहाटे 1:00 वाजता संपेल.
हे चंद्रग्रहण उपच्छाया चंद्रग्रहण असेल. या दिवशी वैशाख पौर्णिमा देखील आहे. ज्याला आपण सर्वजण बुद्ध पौर्णिमा या नावाने ओळखतो.
चंद्रग्रहणाची परमग्रास वेळ रात्री 10:53 आहे. चंद्रग्रहणाचा सूतक कालावधी 9 तास आधी सुरू होतो, परंतु वर्षातील पहिले चंद्रग्रहण भारतात दिसणार नाही, त्यामुळे त्याचा सूतक कालावधी येथे वैध राहणार नाही.
चंद्रग्रहण उपच्छाया चंद्रग्रहण आहे. म्हणजेच पृथ्वीची सावली चंद्रावर फक्त एका बाजूला असल्याने हे ग्रहण भारताव्यतिरिक्त इतर अनेक ठिकाणांहून पाहता येईल.
चंद्रग्रहण युरोप, मध्य आशिया, ऑस्ट्रेलिया, आफ्रिका, अंटार्क्टिका, पॅसिफिक अटलांटिक आणि हिंदी महासागरात दिसणार आहे.
हिंदू मान्यतेनुसार, चंद्रग्रहणाच्या वेळी अन्न शिजवणे आणि खाणे या दोन्ही गोष्टी निषिद्ध मानल्या जातात. याशिवाय चंद्रग्रहणाच्या वेळी पूजा करू नये. घरातील देव्हाऱ्याला पडदा लावा.
चंद्रग्रहणाच्या वेळी झोपणे योग्य मानले जात नाही. देवाच्या मंत्रांचा जास्तीत जास्त जप करत राहा. तसेच या काळात झाडे-वृक्षांना हात लावू नये, असे सांगितले जाते.
(सूचना : येथे दिलेली काही माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)
कर्ज घेण्यासाठी हे दिवस अशुभ
Click Here