कर्ज घेण्यासाठी हे दिवस अशुभ
अनेकांना कर्ज वेळेवर फेडता येत नाही. कर्ज घेण्यासाठी किंवा परतफेड करण्यासाठी योग्य वेळ न निवडणे, हे त्याचे शास्त्रात कारण मानले गेले आहे.
मुलांच्या शिक्षणासाठी, लग्नासाठी किंवा घराच्या बांधकामासाठी कर्ज घेणं ही सर्वसामान्य बाब आहे. परंतु, अनेकांना कर्ज वेळेवर फेडता येत नाही.
कर्ज घेताना आणि त्याची परतफेड करताना ग्रह-नक्षत्रांची विशेष काळजी घेणं पण आवश्यक आहे.
पंडित रामचंद्र जोशी यांनी दिलेल्या माहितीनुसार काही वार आणि नक्षत्रांचा काळ कर्ज घेण्यासाठी अशुभ मानला जातो. यामध्ये मंगळवार, बुधवार आणि शनिवार या दिवसांचा समावेश आहे.
हस्त, मूल, आद्रा, ज्येष्ठ, विशाखा, कृतिका, उत्तराफाल्गुनी, उत्तराषाद, उत्तराभाद्रपद, रोहिणी इत्यादी नक्षत्रांवर कर्ज देण्या-घेण्याचे व्यवहार करू नयेत.
रविवारी कर्ज घेणे आणि देणे देखील शुभ नसतं. या दिवसात आणि नक्षत्रांमध्ये घेतलेले कर्ज फेडताना अनंत अडचणी येतात. त्यामुळे व्यक्तीवर कर्जाचा बोजा वाढतच जातो.
पंडित जोशी यांच्या मते सोमवार, गुरुवार आणि शुक्रवार हे कर्ज घेण्यासाठी शुभ दिवस मानले जातात.
नक्षत्रांबद्दल बोलायचे तर स्वाती, धनिष्ठ, शतभिषा, पुनर्वसु, चित्रा, अनुराधा, अश्विनी, मृगाशिरा, रेवती आणि पुष्य या नक्षत्रांमध्ये कर्ज घेणे शुभ मानले जाते.
कर्ज फेडण्यासाठी मंगळवार आणि बुधवार शुभ मानले जातात. वृद्धी योग आणि हस्ती नक्षत्रात कर्जाची परतफेड करूनही तो व्यक्ती लवकर मुक्त होतो.
शुक्रवारी कर्ज घेणे आणि देणे हे दोन्ही फलदायी मानले जातात. बुधवार आणि गुरुवार हे बचत योजनांमध्ये पैसे जमा करण्यासाठी शुभ दिवस आहेत.
(सूचना : येथे दिलेली माहिती धार्मिक श्रद्धेवर आधारित आहे. न्यूज 18 लोकमत त्याची हमी देत नाही.