गुढी उभारून अशी करा शास्त्रानुसार पूजाविधी
बांबूची उंच काठी गुढीपाडव्यासाठी वापरावी. काठीला स्वच्छ धुऊन त्या काठीच्या वरच्या भागाला रेशमी वस्त्र किंवा साडी बांधतात.
काठीला कडुलिंबाची डहाळी आंब्याची पाने, फुलांचा हार, साखर-बर्फी माळ बांधून त्यावर तांबा, पितळ, किंवा चांदीचा तांब्या किंवा फुलपात्र बसविले जाते.
गुढी उभारायची जागा स्वच्छ करून धुऊन पुसून घ्यावी. त्यावर रांगोळी काढून पाट ठेवून गुढीची काठी ठेवली जाते.
तयार केलेली गुढी दारात, उंच ठिकाणी गच्चीवर, गॅलरीत लावावी.
गुढीची काठी नीट बांधून काठीला गंध, फुले, अक्षता वाहून गुढीची पूजा करतात.
गुढीपाडवा पूजा विधी - गुढी उभारल्यावर गंध, फुले, अक्षता वाहून गुढीची पूजा करतात. निरंजन लावून उदबत्ती ओवाळतात.
दूध साखर पेढ्यांचा नैवेद्य दाखवतात. दुपारी गुढीला गोडधोडाचे नैवेद्य दाखवतात.
संध्याकाळी सूर्यास्ताच्या वेळीस परत हळद-कुंकू, फुले, अक्षता, वाहून गुढी उतरविली जाते.
पूजेनंतर सकाळी आप्तेष्टांना नववर्षाचे अभीष्टचिंतन देखील केले जाते.
(सूचना : येथे दिलेली माहिती धार्मिक श्रद्धेवर आधारित आहे. न्यूज 18 लोकमत त्याची हमी देत नाही.)