योगेश कदमांच्या गाडीचा अपघात की घातपात?
खेड विधानसभा मतदारसंघाचे आमदार योगेश कदम यांच्या गाडीला मुंबई गोवा महामार्गावरील कशेडी घाटात अपघात झाला.
या अपघातातून योगेश कदम थोडक्यात बचावले आहेत, मात्र त्यांच्या चालकाला किरकोळ दुखापत झाली आहे.
दरम्यान या अपघाताबाबत आता घातपाताची शंका व्यक्त करण्यात येत आहे.
मिळालेल्या माहितीनुसार, आमदार योगेश कदम हे खेडकडून मुंबईला निघाले असता मागून येणाऱ्या टँकरने त्यांच्या वाहनाला जोरदार धडक दिली.
यानंतर टँकर पलटी झाला आणि चालक पळून गेल्याची माहिती सूत्रांकडून मिळत आहे.
या अपघातानंतर योगेश कदम यांची गाडी त्यांच्या पुढे असलेल्या पोलीस गाडीवर धडकली.
या अपघातामध्ये योगेश कदम यांच्या गाडीचं मोठं नुकसान झालं आहे.
या अपघातानंतर टॅंकर पलटी झाले असून, टॅंकरचालकाने घटनास्थळावरून पलायन केलं
पोलिसांसडून या टॅंकर चालकाचा शोध सुरू आहे.