वाऱ्याच्या वेगानं मागे धावत बिबट्यानं पाडला हरणाचा फडशा; शिकारीचा कधीही पाहिला नसेल असा VIDEO

नवी दिल्ली 12 ऑगस्ट : बिबट्याची शिकार करण्याची पद्धत जवळपास सर्वांनाच माहिती असेल. आपल्या शिकारीचा पाठलाग करण्याबाबत बिबट्याशी कोणीच स्पर्धा करू शकत नाही. सिंह (Lion), चित्ता (Cheetah) आणि वाघाच्या (Tiger) तुलनेत शिकारीच्या बाबतीच बिबट्या अधिक कुशल शिकारी असल्याचं म्हटलं जातं. याच महत्त्वाचं कारण बिबट्याच्या शिकारीची आगळीवेगळी पद्धत.

आधी खाली बसला, मग...; नवरदेवानं केलं असं काही की सगळेच अवाक; पाहा Video

ट्विटरवर भरपूर सक्रीय राहणारे आयएफएस अधिकारी सुसंता नंदा यांनी सध्या एक व्हिडिओ (Twitter Video) शेअर केला आहे. हा व्हिडिओ (Viral Video of Leopard) पाहून तुम्हालाही समजेल, की बिबट्यानं एखाद्या प्राण्याची शिकार करायची ठरवल्यास समोरच्या प्राण्याची त्याच्या तावडीतून सुटका होणं जवळपास अशक्य होऊन जातं. आयएफएस सुसांता यांनी आयएफएस सुरेंदर मेहरा यांनी ट्विट केलेला व्हिडिओ शेअर केला आहे. यात दिसतं, की एक बिबट्या हरणाची शिकार (Leopard Attack on Deer) करण्याच्या प्रयत्नात आहे. हरणाची शिकार करण्यासाठी तो सुरुवातील जमिनीला चिटकूनच पुढे सरतो. नंतर अगदी हळूहळू एक एक पाऊल पुढे टाकतो.

Life in #wilderness is full of challenges and uncertainties.. Both for Prey and Predator..#JungleLife @susantananda3 VC:SM pic.twitter.com/AMajUqmPzI

— Surender Mehra IFS (@surenmehra) August 11, 2021

असा चालक होणे नाही! ड्रायव्हिंगचा हा जबरदस्त VIDEO पाहून येईल अंगावर काटा

हा बिबट्या इतका हळू आणि सावधपणे पुढे चालत राहतो की हरणाला जराही आवाज ऐकू जात नाही आणि हे हरीण गवत खाण्यातच मग्न राहातं. मध्ये एक- दोन वेळा हरणाला असं जाणवतंही की कोणीतरी त्याच्यावर हल्ला करण्यासाठी येत आहे. हे हरीण वरती मान करून इकडे-तिकडे पाहू लागतं. मात्र, बिबट्याच्या हुशारीपुढे त्याला काहीच अंदाज येत नाही. इकडे बिबट्या इतका शांतपणे हरणाचा पाठलाग करत आहे, की तो हरणाच्या अगदी जवळ जातो, तरीही हरणाला याची भनक लागत नाही.

काही वेळानंतर हरीण पुन्हा गवत खाऊ लागतं आणि इतक्यात बिबट्या त्याच्यावर हल्ला करतो. हरणाला स्वतःला वाचवण्याची संधीही मिळत नाही आणि बिबट्या त्याचा फडशा पाडतो. हा व्हिडिओ पाहणाऱ्या अनेकांनी ही हरणाची चूक असल्याचं म्हटलं आहे. समोर संकट असल्याचं जाणवत असतानाही हरणानं याकडे दुर्लक्ष केलं आणि याच कारणामुळे त्याला आपला जीव गमवावा लागला, असं अनेकांनी कमेंट करत म्हटलं, तर अनेकांनी बिबट्यानं केलेल्या या शिकारीचं कौतुक केलं आहे.