VIDEO : अंध मित्रालाही आनंदात घेतलं सामावून; Football प्रेमी मित्रांचा Match दरम्यानचा भावुक प्रसंग

आयुष्यात मैत्री (Friendship) हे एक अनोखं नातं (Relation) असतं. मित्रांसाठी काहीही करण्याची अनेकांची तयारी असते. आयुष्यातला एखादा कठीण प्रसंग असो वा आनंदाचा प्रसंग, अशा प्रत्येक वेळी आपल्याला गरज असते ती मित्रांची. कोणत्याही प्रसंगात हातात हात देऊन मानसिक बळ वाढवणारा मित्र आपल्या आयुष्यात असावा असं प्रत्येकाला वाटतं. अनेकांच्या आयुष्यात असे मित्र असतातदेखील. मैत्रीचे विविध बंध आपण कथा, कादंबऱ्या, चित्रपटांमधून बघितलेले असतात. मैत्रीचे बंध उलगडून दाखवणारा एक व्हिडिओ (Video) सध्या सोशल मीडियामध्ये (Social Media) प्रचंड व्हायरल झाला आहे. एका अंध व्यक्तीच्या (Blind Man) आयुष्यात त्याच्या मित्रामुळे आनंदाचे काही क्षण आले. याबाबतचा तो व्हिडिओ आहे. या दोघांच्या मैत्रीचे बंध दर्शवणारा हा व्हिडिओ अनेकांना हळवं (Emotional) करून गेला. विशेष म्हणजे इन्स्टाग्रामवर हा व्हिडिओ 4 कोटी लोकांनी पाहिला आहे. 37 लाख लोकांनी हा व्हिडिओ लाइक (Like) केला आहे. कोट्यवधी लोकांनी पाहिलेल्या या व्हिडिओत मैत्रीचा असा कोणता प्रसंग चित्रित झाला होता, याबद्दल जाणून घेऊ या. अनोख्या मैत्रीचं दर्शन घडवणाऱ्या या व्हायरल व्हिडिओबाबतचं वृत्त 'झी न्यूज'ने दिलं आहे.

View this post on Instagram

A post shared by Successtool👑 (@successtool)

या व्हिडिओमध्ये एक व्यक्ती आपल्या अंध मित्राला घेऊन फुटबॉल मॅच (Football Match) पाहण्यासाठी स्टेडिअमवर आल्याचं दिसत आहे. अंध मित्र सामना पाहू शकत नसल्याने ती व्यक्ती आपल्या मित्राला सामन्याच्या प्रत्येक घडामोडीचे अपडेट्स (Update) देत होती. डोळे नसले तरी ही अंध व्यक्ती आपल्या मित्रामुळे सर्वसामान्य प्रेक्षकांप्रमाणे सामन्याचा आनंद घेत असल्याचं दिसत आहे. त्याचदरम्यान स्टेडिअमवरच्या एका कॅमेरामनने (Cameraman) हा प्रसंग कॅमेरात चित्रित केला आणि या मित्रांचा हा व्हिडिओ सोशल मीडियावर व्हायरल झाला. हे ही वाचा-VIDEO: हे काय भलतंच!गर्लफ्रेंडला कारवर बांधून शहरभर फिरवलं,कारण ऐकून व्हाल हैराण व्हिडिओत होणारं या दोघांच्या मैत्रीचं दर्शन पाहून नेटिझन्स भावूक झाल्याचं दिसून आलं. आपला मित्र अंध असला तरी सामना पाहताना आपल्याला जितका आनंद मिळतो, तितकाच आनंद आपल्या मित्रालाही मिळावा यासाठी ही व्यक्ती जीवापाड प्रयत्न करताना पाहून अनेक नेटिझन्सचे डोळे पाणावले असतील. प्रसंग कोणताही असो आपला मित्र आपल्यासोबत असतो. त्यामुळे मैत्रीचं हे उदाहरण प्रत्येकासाठी प्रेरक असल्याच्या उत्स्फूर्त प्रतिक्रिया नेटिझन्सनी नोंदवल्या. इन्स्टाग्रामवर (Instagram) हा व्हिडिओ आतापर्यंत 4 कोटी लोकांनी पाहिला असून, 37 लाख लोकांनी लाइक केला आहे.