बापरे! एसीतून हवा नाही तर आला साप...अन् केली उंदाची शिकार, पाहा थरारक VIDEO

मुंबई, 25 ऑगस्ट : साप आणि उंदीर यांच्यातलं वैर नवीन नाही. पण एका उंदरासाठी चक्क एसीतून घुसून सापानं शिकार केली आहे. जीव धोक्यात घालून सापानं केलेल्या शिकारीचा दुर्मीळ व्हिडीओ सोशल मीडियावर तुफान व्हायरल होत आहे. सापाच्या शिकारीची ही अनोखी पद्धत पाहून तर सोशल मीडियावर अनेक जण हैराण झाले आहेत. हा साप एसीमध्ये घुसला कस हा प्रश्नही उपस्थित केला जात आहे.

हा व्हिडीओ जंगलातला नाही तर एका घरातला आहे. जिथे संपूर्ण कुटुंब राहातं. या घरात एसीमधून बाहेर येत सापानं उंदराची शिकार केली आणि तोंडात उंदीर पकडून पुन्हा एसीमध्ये घुसण्याचा प्रयत्न केला आहे. ही संपूर्ण घटना कॅमेऱ्यात कैद झाली आहे. हा व्हिडीओ सोशल मीडियावर सध्या तुफान व्हायरल झाला आहे.

Careful, Snake 🐍 caught 🐁 mouse in AC. pic.twitter.com/fiFLhPLLpi

— Jagan Singh IFS (@IfsJagan) August 23, 2020

हे वाचा-…आणि कुत्र्याच्या पट्ट्यावर पाय देताच झाला महिलेचा मृत्यू! पाहा CCTV VIDEO

हा व्हिडीओ कुठला आहे याचा शोध घेण्याचा प्रयत्न केल्यानंतर हा तीन वर्षापूर्वीचा असल्याची माहिती मिळत आहे. 3 वर्ष जुना जून 2017 रोजीचा व्हिडीओ पुन्हा एकदा सोशल मीडियावर शेअर झाला आहे. हा साप एसीच्या मागे असलेल्या कॉम्प्रेन्सरमधून घुसला असावा असा काही युझर्सनी अंदाज व्यक्त केला आहे. तर या व्हायरल व्हिडीओनंतर घरातील सर्व कोपरे आणि वस्तू नीट ठेवायला हव्यात त्याची सापसफाई करायला हवी नाहीतर अशा प्रकारे साप आतमध्ये राहू शकतो याबाबत सतर्क राहण्याचीही गरज निर्माण झाली आहे.

हा व्हिडीओ नेमका कुठला आहे यासंदर्भात अद्याप माहिती मिळू शकली नाही मात्र जून 2017मध्ये हा व्हिडीओ सोशल मीडियावर व्हायरल झाला होता आणि त्यानंतर पुन्हा एकदा हा व्हिडीओ व्हायरल होत आहे.