2020मध्ये हेच राहिलं होतं! शास्त्रज्ञांना ‘या’ ग्रहावर एलिअन असल्याची शंका

2020मध्ये हेच राहिलं होतं! शास्त्रज्ञांना ‘या’ ग्रहावर एलिअन असल्याची शंका

शुक्र ग्रहावर त्यांना फॉस्फिन नावाच्या गॅसचा एक संपूर्ण मोठा ढग आढळून आला आहे. त्यामुळे पृथ्वीबरोबरच तेथे जीवसृष्टी आढळण्याची संभाव्यता व्यक्त करण्यात येत आहे.

  • Share this:

वॉशिंग्टन, 15 सप्टेंबर : पृथ्वीच्या अंतरंगात दररोज हजारो बदल होत असतात. त्याचबरोबर विविध ग्रहांमध्ये देखील असेच बदल होत असतात. याच दरम्यान शास्त्रज्ञांनी दिलेल्या माहितीनुसार, शुक्र ग्रहावर त्यांना फॉस्फिन नावाच्या गॅसचा एक संपूर्ण मोठा ढग आढळून आला आहे. त्यामुळे पृथ्वीबरोबरच तेथे जीवसृष्टी आढळण्याची संभाव्यता व्यक्त करण्यात येत आहे. शास्त्रज्ञांना नक्की जीव आहे की नाही याचा शोध लागलेला नाही. मात्र पृथ्वीच्या अंतरंगात असणाऱ्या बॅक्टेरियांमुळे हा गॅस तयार झाला आहे. जेम्स क्लर्क मॅक्सवेल यांच्या हवाई येथील दुर्बिणीतून शास्त्रज्ञांच्या या गटाला हा गॅस दिसला असून चिलीमधील Atacama Large Millimeter/submillimeter Array यांनी याला दुजोरा देखील दिला आहे.

याविषयी बोलताना कार्डिफ विद्यापीठातील शास्त्रज्ञ जेन ग्रीव्स म्हणाले की, माझ्यासाठी हे सरप्राईज असून मला खूप धक्का बसला आहे. पृथ्वीबाहेरील कक्षात मानवी जीवन आहे की नाही हा खूप मोठा प्रश्न आहे. मागील अनेक दशके यावर संशोधन सुरु असून अजूनपर्यंत याचा शोध लागलेला नाही.

वाचा-मगर आणि स्पीड बोटीमध्ये लागली थक्क करणारी रेस, VIDEO पाहून अंगावर येतील शहारे

मॅसाचुसेट्स इन्स्टिट्यूट ऑफ टेक्नॉलॉजी मधील आण्विक खगोलशास्त्रज्ञ क्लारा सौसा-सिल्वा यांनी याविषयी सांगितली की, आम्हाला सध्या शुक्रवर जे काही आहे ते केवळ फॉस्फिन गॅस आहे. मात्र त्यावर जीवन असू शकते ही खूप मजेशीर कल्पना आहे. हे संशोधन महत्वाचे आहे कारण की, जर त्यावर मानवी जीवन अस्तित्वात आहे किंवा तेथे मानवासाठी पोषक वातावरण आहे तर ही खूप मोठी गोष्ट आहे. त्याचबरोबर आपल्या आकाशगंगेत अजून यासारखे अनेक जीव आणि ग्रह असण्याची देखील शक्यता आहे.

वाचा-...आणि बघता बघता पार्क केलेल्या 3 गाड्या गेल्या वाहून, पाहा LIVE VIDEO

फॉस्फिन हा तीन हायड्रोजन अणूंनी जोडलेले फॉस्फरस असून मानवासाठी अतिशय घातक वायू आहे. या संशोधनात वापरल्या गेलेल्या पृथ्वी-आधारित दुर्बिणी वैज्ञानिकांना रसायनशास्त्र आणि आकाशीय वस्तूंच्या इतर वैशिष्ट्यांचा अभ्यास करण्यास देखील मदत ठरतात. व्हीनसवरील या प्रयोगासाठी शास्त्रज्ञांनी विविध घटकांवर अभ्यास केला असून यामध्ये या ठिकाणी मानवी जीवन अस्तित्वात आहे कि, नाही यासाठी संशोधन सुरु ठेवणे अन्यथा दुसरा पर्याय शोधणे देखील आहे.

वाचा-मास्क न घालता खेळायला गेली महिला, हंसानं घडवली चांगली अद्दल, पाहा VIDEO

शुक्र हा पृथ्वीच्या सर्वात जवळचा ग्रह आहे. हा ग्रह दिसायला पृथ्वीसारखाच असतो मात्र आकाराने लहान आहे. शुक्र पृथ्वीहून जास्त सूर्याजवळ असल्यामुळे आकाशात नेहमी सूर्याच्या दिशेकडे दिसतो. त्यामुळेच तो पहाटे किंवा संध्याकाळी क्षितिजावर दिसू शकतो. जर तो जास्त प्रखर बनला तर दिवसाही दिसू शकतो. शुक्र हा सूर्य व चंद्रापाठोपाठ पृथ्वीवरून तेजस्वी दिसणाऱ्या चांदण्यांत तिसऱ्या क्रमांकावर आहे.त्यामुळे खरोखरच तेथे जीवन असेल तर ते कसे असेल याची मला देखील उत्सुकता असेल. काही वर्षांपूर्वी या ग्रहावर जीवन अस्तित्वात होते, असे पुरावे होते. मात्र काही बदलांमुळे या ठिकाणी झालेल्या बदलांमुळे जीवन नष्ट झाले.

वाचा-इन्फोसिस उभारणाऱ्या सुधा मूर्तींच्या साधेपणाची पुन्हा चर्चा, पाहा PHOTO

शुक्र फॉस्फिनला प्रतिकूल असावा. त्याचा पृष्ठभाग आणि वातावरण ऑक्सिजन संयुगांमध्ये योग्य आहे जे फॉस्फिनसह तात्काळ प्रकिया होऊन फॉस्फिन नष्ट होतो. शुक्र ग्रह शेजारीच आणि पृथ्वीच्या जवळ असल्यामुळे आपण त्याचा अभ्यास करू शकत असल्याचे देखील क्लारा सौसा-सिल्वा यांनी म्हटले. मागील रोबोटिक अंतराळ यानाने शुक्र ग्रहास भेट दिली होती, मात्र जीवनाची पुष्टी करण्यासाठी नवीन चौकशीची आवश्यकता असू शकते तसेच यासाठी पुढील स्टेजचे संशोधन देखील गरजेचे आहे.

Published by: Priyanka Gawde
First published: September 15, 2020, 12:51 PM IST
Tags: nasa

ताज्या बातम्या

corona virus btn
corona virus btn
Loading