पंतप्रधान मोदी विनामास्क दिसले कार्यक्रमात; Video शेअर करुन AAP ने साधला निशाणा

आता आम आदमी पक्षाने आपल्या ट्विटमध्ये लिहिले आहे, 'मास्क लावा, मोदीजींसारखे वागू नका'.

News18 Lokmat
Last Updated: Dec 17, 2020 04:34 PM IST

नवी दिल्ली, 17 डिसेंबर : कोरोना काळात (coronavirus) आम आदमी पार्टीने (AAP) पंतप्रधान नरेंद्र मोदी (PM Narendra Modi Viral video) यांचा एक व्हिडीओ आपल्या ट्विटर अकाऊंटवरुन शेअर केला आहे. या व्हिडीओमध्ये पीएम मोदी मास्कशिवाय (PM Modi Without Mask) दिसत आहेत. तसेच ते एका स्टॉलवर मास्क घेण्यास नकार देताना दिसत आहेत. आता आम आदमी पक्षाने आपल्या ट्विटमध्ये लिहिले आहे, 'मास्क लावा, मोदीजींसारखे वागू नका'.

सोशल मीडियावर हा व्हिडीओ जलद गतीने व्हायरल होत आहे. ज्यामध्ये पंतप्रधानांनी मास्क न घातल्याचा मुद्दा उचलला जात आहे. 'आप'ने प्रसिद्ध केलेल्या व्हिडीओमध्ये दिसून येत आहे की, पंतप्रधान मोदी हस्तकलेच्या काही स्टॉलजवळ फिरत आहेत. तिथे त्यांच्या मागे लोक जमा होत आहेत. यावेळी पीएम मोदी एका स्टॉलवर थांबले, जेथे स्वयंसेवक त्यांना मास्क घेण्याचं आवाहन करीत होते. आम आदमी पार्टीसह अनेक सोशल मीडिया वापरकर्त्यांनी पंतप्रधान मोदींनी मास्क न लावल्याबद्दल टीका केली आहे आणि कोरोना काळात मास्क लावण्याच्या त्यांच्याच मंत्र्याची त्यांना आठवण करुन दिली.

Wear a mask. Don't be like Modi ji. pic.twitter.com/lPxdTEdZiI

— AAP (@AamAadmiParty) December 17, 2020

विशेष म्हणजे कोरोना संकटाच्या पार्श्वभूमीवर पंतप्रधान नरेंद्र मोदी यांनी सतत मास्क लावा आणि लोकांमध्ये अंतर ठेवण्याचा संदेश दिला आहे. लस येत नाही आणि कोरोना पूर्णपणे संपत नाही तोपर्यंत नियमांचे पालन करणे आवश्यक आहे, असे सरकारकडून दिलेल्या मार्गदर्शन सूचनांमध्ये नमूद करण्यात आले आहे.

Published by: Meenal Gangurde

First published: December 17, 2020, 4:34 PM IST