मुंबई पोलिसांचा James Bond थीमवर जबरदस्त परफॉर्मेन्स, सोशल मीडियावर VIDEO तुफान व्हायरल
हॉलिवूडमधील सुप्रसिद्ध गुप्तहेर जेम्स बाँड (James Bond) त्याच्याशी संबंधित एक म्युझिक पीस या बँडने वाजवला आहे. या व्हिडीओमध्ये पोलीस दलाचा बँड खाकी वर्दीमध्ये वादन करत आहे.
- News18 Lokmat
- Last Updated :
मुंबई, 25 ऑगस्ट : मुंबई पोलिसांनी (Mumbai Police) आपल्या कर्तृत्वाने जगभर आपलं नाव केलं आहे. मुंबई पोलीस जसे कामासाठी प्रसिद्ध आहेत, तसेच ते सोशल मीडियावरही प्रसिद्ध आहेत. मुंबई पोलीस अकाउंटवरून जनहितार्थ अनेक पोस्ट केल्या जातात. या पोस्ट अतिशय कल्पकपणे पोलीस दलात काम करणारे अधिकारी, कर्मचारी तयार करत असतात. त्यांची कल्पकता सोशल मीडियावर या आधी अनेकदा चर्चेचा विषय ठरली आहे. आताही त्यांनी अशीच एक पोस्ट शेअर केली आहे. ही पोस्ट पुन्हा एकदा चर्चेत आहे.
पोलीस दलातील बँड (Band, Mumbai Police Band) हे त्यांचं वैशिष्ट्य आहे. याच बँडमधील वादकांनी एक जबरदस्त व्हिडीओ तयार केला आहे. हॉलिवूडमधील सुप्रसिद्ध गुप्तहेर जेम्स बाँड (James Bond) त्याच्याशी संबंधित एक म्युझिक पीस या बँडने वाजवला आहे. या व्हिडीओमध्ये पोलीस दलाचा बँड खाकी वर्दीमध्ये वादन करत आहे. या व्हिडीओला जेम्स बाँड थीम बाय खाकी स्टुडिओ (James Bond Theme Khaki Studio) असं नाव देण्यात आलं आहे. मुंबई पोलीस दलाचा लोगो सुरुवातीला दिसतो मग बँडचं वादन होताना दिसत.
या बँडने सिंगर माँटी नॉर्मनच्या (Monty Norman’s) जेम्स बाँड थीमला रिक्रिएट करून लोकांची मनं जिंकली आहेत. त्याशिवाय मुंबई पोलीस दलातील या योद्ध्यांनी अभिनेता डॅनियल क्रेग याच्या आगामी ‘नो टाइम टू डाई’ या चित्रपटातील एका गाण्याच्या आधारे या संगीत वादनाच्या थीमला एक वेगळाच ट्विस्ट दिला आहे. हा रिक्रिएट केलेला व्हिडीओ मुंबई पोलीस या अधिकृत इन्स्टाग्राम अकाउंटवर शेअर करण्यात आला आहे.