धरणाच्या भितींवर चढलेला तरुण; 30 फुटावर जाताच घडलं विपरीत, काळजाचा ठोका चुकवणारा VIDEO

बंगळुरू 23 मे : अनेकवेळा काही लोक मस्ती म्हणून अशा गोष्टी करतात, ज्यांचा नंतर त्यांना पश्चाताप होतो. गेल्या काही दिवसांत असे अनेक व्हिडिओ समोर आले आहेत, ज्यामध्ये लोक स्टंटबाजी करताना मोठ्या संकटात सापडले आहेत. असाच आणखी एक व्हिडिओ समोर आला आहे. यात एका व्यक्तीला आपला स्टंट लोकांना दाखवायचा होता. मात्र स्टंट दाखवत असताना अशी घटना घडली, जी पाहून उपस्थित सगळ्यांचाच थरकाप उडाला. VIDEO: दारूच्या नशेत थेट ट्रेनच्या इंजिनखाली जाऊन झोपला व्यक्ती; पुढे काय घडलं पाहा कर्नाटकातील चिकबल्लापूरमध्ये एक मोठं धरण आहे, जिथे लोक अनेकदा फिरण्यासाठी आणि धरणातून कोसळणारं पाणी पाहाण्यासाठी जातात. इथेच एका व्यक्तीने स्टंटबाजी करण्याचा प्रयत्न केला.

कर्नाटक : धरणाच्या भिंतीवर स्टंटबाजी करणं पडलं महागात; तोल जाताच खाली कोसळला तरुण pic.twitter.com/j90AbuFb4v

— News18Lokmat (@News18lokmat) May 23, 2022

अनेकदा मस्ती करणं अतिशय धोकादायक ठरतं. या घटनेतही असंच घडलं. ही घटना चिकबल्लापूरच्या श्रीनिवास धरणावर घडली. धरणातून सतत पाणी वाहत राहातं. याच धरणाच्या भल्यामोठ्या भिंतीवर वाहत्या पाण्यावरुन चढण्याचा प्रयत्न एक व्यक्ती करू लागला. तो अर्ध्याहून जास्त अंतर चढला होता आणि खाली उभे असलेले लोक त्याच्याकडे टक लावून पाहत होते. काही लोक त्या व्यक्तीचा व्हिडिओ बनवत होते, पण नंतर एक अशी घटना घडली ज्याने सगळेच घाबरले (Man Fell Down from Wall of Dam). घटनेचा धक्कादायक व्हिडिओही (Shocking Video) समोर आला आहे. सिंहासोबत करत होता मस्ती; भडकलेल्या जंगलाच्या राजाने हात जबड्यात पकडला अन्.., Shocking Video चिकबल्लापूरच्या श्रीनिवास धरणावर उपस्थित नागरिक पाण्याच्या जोरदार प्रवाहाचा आनंद घेत होते. इतक्यात धरणाच्या सरळ भिंतीवर एक तरुण सुमारे 30 फूट चढून गेला. हा एक अतिशय धोकादायक आणि प्राणघातक स्टंट होता. काही अंतर चढून गेल्यावर तोल सांभाळता न आल्याने तो घसरून खाली पडला. हा व्यक्ती खाली पडल्याचा व्हिडिओ कोणीतरी आपल्या मोबाईल कॅमेऱ्यात रेकॉर्ड केला. या तरुणाचा जीव वाचला मात्र त्याला मोठी दुखापत झाली.या घटनेनंतर तरुणाला तातडीने रुग्णालयात दाखल करावं लागलं, तिथे त्याच्यावर उपचार सुरू आहेत.