बापरे बाप! आकाशातून झाडावर कोसळला 'आगीचा गोळा'; कॅमेऱ्यात कैद झालं भयावह दृश्य; पाहा VIDEO

मुंबई, 01 जुलै :  धो-धो कोसळणारा पाऊस, वारा, ढगांचा गडगडाट, विजांचा कडकडाट असं वातावरण सध्या आहे (Lightning strikes Live video). पावसाळा हा जितका आल्हाददायक वाटतो तितकंच पावसाळ्यातील अशा वातावरणामुळे काळजात धस्सं होतं (Rainfall video). अशातच एका भयंकर घटनेचा व्हिडीओ सध्या सोशल मीडियावर व्हायरल होतो आहे. एका झाडावर आकाशातून जणू आगीचा गोळाच कोसळला आहे. हे भयावह दृश्य कॅमेऱ्यात कैद झालं आहे (Lightning strikes on tree). पावसाळ्यात वीज कोसळण्याच्या बऱ्याच घटना घडत असतात. त्यामुळे या दिवसांमध्ये झाडाखाली राहू नये, असा सल्ला वारंवार दिला जातो. तरीसुद्धा काही लोक आडोशासाठी म्हणून झाडाखालीच उभे राहतात. अशा लोकांनी तर हा व्हिडीओ पाहायलाच हवा. अंगावर काटा आणणारा असा हा व्हिडीओ आहे. व्हिडीओ पाहिल्यानंतर तुम्ही एक वेळ पावसात भिजणं पत्कराल पण झाडाखाली चुकूनही उभे राहणार नाही. व्हिडीओत पाहू शकता सुरुवातीला काही झाडं दिसत आहेत. अचानक ढर चिरत वीज जमिनीच्या दिशेने येते ती थेट या झाडावर कोसळते. वीज झाडावर पडताच आगीचा भडका उडाल्यासारखं होतं. आकाशातून झाडावर आगीचा गोळाच पडला असं वाटतं.   त्याच क्षणी झाड पेटतं. हे वाचा -  याला चमत्कार म्हणावं की नशीब! व्यक्ती चालत असतानाच अचानक कोसळला पूल पण...; Video चा शेवट पाहून हैराण व्हाल आकाशात वीज चमकताना, कडकडताना तुम्ही पाहिलं असेल पण वीज कोसळण्याची घटना प्रत्यक्षात क्वचितच पाहिली असावी. वीज कोसळल्यानंतर नेमकं या झाडाचं काय झालं तेसुद्धा तुम्ही व्हिडीओच्या शेवटी पाहू शकता. विचार करा, या झाडाखाली एखादा माणूस किंवा दुसरा कोणता जीव असता तर त्याचं काय झालं असतं.

View this post on Instagram

A post shared by Technology • Gadget • Tools (@beautifulteach)

हा व्हिडीओ नेमका कुठला आणि कधीचा आहे हे माहिती नाही. इन्स्टाग्राम अकाऊंटवर तो पोस्ट करण्यात आला आहे. पण  अशी घटना कधीही, कुठेही घडू शकतो. त्यामुळे आपण सावध राहायला हवं, काळजी घ्यायला हवी. हेच या व्हिडीओतून समजतं. वीज चमकत असताना दुर्घटना टाळण्यासाठी नेमकी काय काळजी घ्यावी? विजा चमकत असतानाच्या काळात काय काळजी घेणं आवश्यक आहे, याची माहिती अमेरिकेच्या 'सेंटर्स फॉर डिसीज कंट्रोल अँड प्रिव्हेंशन' या संस्थेच्या (CDC) नैसर्गिक आपत्ती व्यवस्थापन विभागाने दिली आहे. कोणीही घराबाहेर असताना वादळासारखी स्थिती निर्माण झाली किंवा विजा चमकायला लागल्या, तर तातडीने कुठल्याही घरात किंवा बंदिस्त इमारतीत आसरा घ्यायला हवा; मात्र झाडाखाली अजिबात जाऊ नये. बंदिस्त वाहन किंवा कारमध्ये असाल, तर बाहेर येऊन नये. कारण कारचे टायर्स रबराचे असल्याने वीज घातक ठरत नाही. मात्र वाहनाच्या काचा बंद ठेवण्याची काळजी घ्यावी. कुठेही आसरा घेणं शक्य नसेल, तर उंच डोंगरासारख्या ठिकाणी जावं. हे वाचा - Explainer: आकाशात कशी होते वीज तयार?, काय आहे त्यामागचं विज्ञान विजा कडकडताना गटाने राहू नये. एकमेकांमध्ये अंतर ठेवावं. काँक्रीटच्या जमिनीवर राहू नये किंवा काँक्रीटच्या भिंतींना स्पर्श करू नये. त्यातल्या धातूंमधून वीजप्रवाह वाहू शकतो. कोणत्याही परिस्थितीत जमिनीवर आडवं झोपू नये. कानावर हात घेऊन डोकं दोन पायांमध्ये घेऊन चेंडूसारखं बसावं. जमिनीशी कमीत कमी संपर्क येईल, अशा पद्धतीने बसावं. उंच भिंतींना टेकून राहू नये. अशा वेळी पाण्यात पोहत असाल, तर तातडीने बाहेर यावं. वीजप्रवाह ज्यातून वाहू शकतो, अशा गोष्टींना स्पर्श करू नये. उदा. तारेचं कुंपण किंवा धातूच्या कोणत्याही वस्तू कोणत्याही परिस्थितीत लॅपटॉप, अन्य इलेक्ट्रॉनिक उपकरणं (Electronic Gadgets) वापरू नये. लँडलाइन फोन्स वापरू नयेत. घरातल्या इलेक्ट्रिक वायरिंगच्या वेळी अर्थिंग (Earthing) नीट असेल, याची काळजी घ्यावी. तसंच, वीज पडलीच, तर ती इमारतीच्या स्ट्रक्चरमधून प्रवाहित होण्याऐवजी वायरमधून प्रवाहित होण्यासाठी घरावर लायटनिंग रॉडही लावता येतो. अर्थात हे उपाय ऐन वेळी करण्याचे नाहीत.