Home /News /viral /

कुछ भी! म्हणे मेलेल्या बॉयफ्रेंडनं केलं प्रपोज, लवकरच आत्म्याशी होणार शुभमंगल

कुछ भी! म्हणे मेलेल्या बॉयफ्रेंडनं केलं प्रपोज, लवकरच आत्म्याशी होणार शुभमंगल

मेलेल्या बॉयफ्रेंडच्या आत्म्यानं आपल्याला प्रपोज केलं असून आपण लवकरच त्याच्याशी (Girl to marry ghost boyfriend who proposed her with diamond ring) लग्न करणार असल्याची माहिती एका तरुणीनं सोशल मीडियावरून दिली आहे.

    लंडन, 1 डिसेंबर: मेलेल्या बॉयफ्रेंडच्या आत्म्यानं आपल्याला प्रपोज केलं असून आपण लवकरच त्याच्याशी (Girl to marry ghost boyfriend who proposed her with diamond ring) लग्न करणार असल्याची माहिती एका तरुणीनं सोशल मीडियावरून दिली आहे. काही दिवसांपूर्वीच हा आत्मा आपल्याला भेटला आणि पाहता पाहता आपण दोघेही (Love at first sight) एकमेकांच्या प्रेमात पडलो, असा दावा तरुणीनं केला आहे. आपली ओळख प्रेमात बदलली आणि आत्म्याच्या रुपात असलेल्या बॉयफ्रेंडसोबत आपण (Girl to marry ghost) लग्न करणार असल्याचा निर्धार तरुणीनं व्यक्त केला आहे. अशी झाली ओळख ब्रिटनमधील ऑक्सफोर्डशायर या भागात राहणाऱ्या ब्रोकर्ड नावाच्या महिलेनं ही कहाणी सोशल मीडियावरून शेअर केली आहे. ब्रोकर्डेला काही दिवसांपूर्वीच एक आत्मा भेटला होता. हा आत्मा तरुण असून वयाच्या पस्तीशीत त्याचा मृत्यू झाल्याचं ब्रोकर्डेनं सांगितलं. आपला आणि या आत्म्याचा सतत संवाद होत होता. हळूहळू हा संवाद वाढत गेला आणि आपण एकमेकांच्या प्रेमात पडलो. आत्मा आपली काळजी घेत असून आपल्यासाठी तो काहीही करायला तयार असल्याचं ब्रोकर्डे म्हणते. काही दिवसांपूर्वीच त्यानं आपल्या उशाशी हिऱ्याची अंगठी ठेऊन लग्नाला प्रपोज केलं आणि आपण ती अंगठी बोटात घालून त्याला होकार दिला, असं ब्रोकर्डेनं म्हटलं आहे. आत्मा आहे लाजाळू आपला बॉयफ्रेंड प्रचंड लाजाळू असून त्याला लोकांमध्ये मिसळायला आवडत नसल्याचं ब्रोकर्डेनं म्हटलं आहे. त्याला चारचौघात मिसळायला अजिबात आवडत नाही. शक्यतो, त्याला एकांतवास आवडतो आणि आपल्याला भेटतानादेखील तो फारच कमी बोलत असल्याचं ब्रोकर्डे म्हणते. त्याचा हा शांत आणि धीरगंभीर स्वभावच आपल्याला भावला असून त्याच्या या गुणांवर आपण फिदा असल्याचं तिनं सांगितलं आहे. हे वाचा- ''आम्हाला KL Rahulला रिटेन करायचे होते, पण..पंजाब संघाच्या सहमालकाचा मोठा खुलासा आत्मा गर्लफ्रेंडवर रुसला लग्नाची बातमी सोशल मीडियावर शेअर केल्यामुळे भिडस्त स्वभावाचा असणारा हा आत्मारुपी बॉयफ्रेंड आपल्यावर जाम चिडल्याचं तिनं म्हटलं आहे. या घटनेनंतर अनेक दिवस तो आपल्याला भेटायला येत नव्हता. अनेकदा त्याला बोलावूनदेखील तो प्रतिसाद देत नव्हता. मात्र काही दिवसांनी त्याचा राग आपोआप शांत झाला आणि तो आपल्याकडे परत आल्याचं ब्रोकर्डे सांगते. लवकरच या दोघांचं लग्न होणार असून सुखाचा संसार करण्यासाठी आपण सज्ज असल्याचं तिनं म्हटलं आङे.
    Published by:desk news
    First published:

    Tags: Boyfriend, Britain, Girlfriend, Marriage

    पुढील बातम्या