VIDEO: घरटं बनवण्यासाठी जिवंत हरणाच्या शेपटीचे केस काढू लागला कावळा; पुढे काय घडलं एकदा बघाच

नवी दिल्ली 22 एप्रिल : जेव्हा पक्षी घरटे बनवतात तेव्हा ते जमिनीवरुन आणि झाडांवरुन लहान लहान काड्या गोळा करतात. एवढंच नाही तर घरटं मजबूत करण्यासाठी लहान लाकडांसोबतच गवताचे तुकडे किंवा तारांचाही वापर केला जातो. सहसा पक्षी कापड, सुतळी, केस किंवा इतर मऊ साहित्य घरटं बनवण्यासाठी निवडतात. परंतु सोशल मीडियावर आता एक वेगळाच व्हिडिओ (Crow Video) समोर आला आहे. हा व्हिडिओ (Viral Video) पाहून तुम्हीही थक्क व्हाल. यात एका कावळ्याने घरट्यासाठी चोचीत अशी वस्तू पकडली, जी पाहून सर्वच आश्चर्यचकित झाले. कावळ्याने घरटं मऊ बनवण्यासाठी चक्क हरणाच्या शेपटीचे केस काढले आणि मग ते आपल्या घरट्यात नेले. बापरे! इवल्याशा उंदराचा एवढा मोठा प्रताप; एअर इंडियाच्या विमानात घातला धुमाकूळ, वाचा पुढे काय घडलं असं म्हटलं जातं की कावळ्यांना त्यांचं घरटं बांधण्यासाठी सुमारे दोन आठवडे लागतात. पिल्लं स्वतःहून उडू लागली की कावळा हे घरटं सोडून देतो. काही पक्षी कधीकधी घरटं बांधण्यासाठी प्राण्यांचे फर किंवा केस वापरतात.

View this post on Instagram

A post shared by Wildlife | Nature | Animals (@naturre)

सोशल मीडियावर सध्या असाच एक व्हिडिओ व्हायरल होत आहे ज्यामध्ये एक कावळा आपल्या घरट्यासाठी हरणाच्या शेपटीचे केस काढताना दिसत आहे. इन्स्टाग्रामवर 'नेचर' नावाच्या पेजवरुन कॅप्शनसह हा व्हिडिओ पोस्ट करण्यात आला आहे. कॅप्शनमध्ये लिहिलं गेलं की, 'मला घरटं बनवण्यासाठी हे केस हवे आहेत. धन्यवाद साहेब.' व्हिडिओमध्ये एक हरिण एका बेंचजवळ आणि काही झाडांजवळ बसलेलं दिसत आहे. हरिण जंगलाकडे बघत आहे आणि अचानक एक कावळा त्याच्या मागे येतो. कावळा हरणाची शेपटी उचलतो आणि त्याच्या चोचीने शेपटीचे केस काढतो. मात्र तरीही हरिण आपल्या जागेवरुन हालत नाही किंवा मागेही वळून पाहात नाही. स्वतःच्या जीवाची पर्वा न करता बिबट्याजवळ गेला तरुण; रेस्क्यूसाठी झाडावर चढला आणि... अंगावर काटा आणणारा VIDEO कावळा हे एकदा नाही तर अनेक वेळा करतो. कावळा या केसांचा वापर काड्या आणि इतर साहित्यासोबत घरटं विनण्यासाठी करणार आहे.. हा व्हिडिओ 1 लाख 60 हजारांहून अधिक वेळा पाहिला गेला आहे आणि व्हिडिओ सुमारे 16 हजार लाइक्स मिळाले आहेत.