नवरीने मागितला हुंडा, नवरदेव मागणी पूर्ण न करू शकल्याने ऐनवेळी लग्नास नकार, काय आहे प्रकरण?

हैदराबाद 13 मार्च : लग्नात अनेकदा मुलाकडचे लोक हुंड्याची मागणी करतात हे तुम्ही ऐकलं असेल. ती पूर्ण झाली नाही तर नातंही तोडून टाकतात. हे आपल्या देशात सामान्य आहे. पण तुम्ही कधी ऐकलं आहे का, की एखादी मुलगी हुंडा मागते आणि ती मागणी पूर्ण झाली नाही म्हणून लग्न मोडते? कदाचित याचं उत्तर नाहीच असेल. मात्र हैदराबादमध्ये ही विचित्र घटना समोर आली आहे. यात मुलीने केवळ वराच्या कुटुंबीयांकडून हुंड्यात मागितलेली रक्कम न मिळाल्याने लग्नास नकार दिला. हे का घडलं ते जाणून घेऊया?

बेरोजगारीला वैतागला; रोज जेवण मिळावं म्हणून जायचं होतं तुरुंगात, त्यासाठी तरुणाचं भलतंच कांड

मीडिया रिपोर्ट्सनुसार, तेलंगणात राहणाऱ्या आदिवासींमध्ये एक विशेष प्रकारची परंपरा आहे. इथे वराच्या बाजूचे लोक हुंडा घेतातच, पण मुलीही हुंडा मागतात. या प्रथेला उलट हुंडा किंवा रिवर्स हुंडा म्हणतात. या लग्नातही तसंच झालं. नववधूने आपल्या वराकडे दोन लाख रुपयांचा हुंडा मागितला. वराच्या घरच्यांनीही हे मान्य केलं आणि लग्नासाठी पैसे दिले. हैदराबादच्या बाहेरील भागात ९ मार्च रोजी होणाऱ्या लग्नाची सर्व तयारी वराच्या कुटुंबाने केली होती. मात्र ऐनवेळी नवरीच लग्नाच्या मंडपापर्यंत पोहोचली नाही.

वधू लग्नमंडपात पोहोचली नाही, तेव्हा वराचे कुटुंब वधू आणि तिचे कुटुंबीय ज्या ठिकाणी थांबले होते तिथे पोहोचले. त्यांनी चौकशी केली असता वधूच्या कुटुंबीयांनी सांगितलं की, मुलीला आणखी हुंडा हवा आहे, तरच ती लग्नाला होकार देईल. हे ऐकून मुलाकडील लोकांना आश्चर्य वाटलं. यानंतर वराच्या कुटुंबीयांनी पोलिसांशी संपर्क साधला आणि वधूच्या कुटुंबीयांना या प्रकरणावर चर्चा करण्यासाठी बोलावण्यात आलं. वधू आपल्या निर्णयावर ठाम असल्याने दोन लाख रुपयेही परत करण्यात आले. विवाह रद्द झाला आणि दोन्ही कुटुंबं विभक्त झाली.

दोन्ही कुटुंबीयांच्या संमतीनंतर लग्न रद्द करण्यात आल्याचं पोलिसांनी सांगितलं. कोणालाही अटक करण्यात आली नाही. कोणत्याही बाजूने तक्रार दाखल करण्यात आलेली नाही. नववधूने अधिक हुंड्याची मागणी केली होती, पण लग्न होईपर्यंत मुलगा एवढा पैसा उभा करू शकला नाही. त्यामुळे लग्न रद्द करण्यात आलं. आतापर्यंतच्या तपासातून असं समोर आलं आहे की, कदाचित या मुलीला या लग्नात रस नव्हता.