Home /News /viral /

Wedding Video: 'कोणी रडत का नाहीये'? पाठवणीच्या वेळी नवरीने प्रश्न विचारताच कुटुंबीयांनी दिलं मजेशीर उत्तर

Wedding Video: 'कोणी रडत का नाहीये'? पाठवणीच्या वेळी नवरीने प्रश्न विचारताच कुटुंबीयांनी दिलं मजेशीर उत्तर

पाठवणीच्या वेळी वधूच्या घरातील कोणीही रडत नाही, तेव्हा ती असा गोंडस प्रश्न विचारते, जो ऐकून तुमच्या चेहऱ्यावरही हसू येईल. मात्र नवरीच्या प्रश्नावर तिथे उपस्थित लोकही अतिशय मजेशीर उत्तर देतात.

    नवी दिल्ली 19 एप्रिल : तुम्ही सर्वांनी कधी ना कधी नवरीबाईची पाठवणी पाहिलीच असेल. अनेकदा या भावनिक प्रसंगी वधूचे आणि तिच्या कुटुंबीयांचे डोळे ओले होतात. कारण नवरी आपल्या माहेरचं घर सोडून दुसऱ्याच्या घरची लक्ष्मी बनणार असते. मात्र आजकाल सोशल मीडियावर नवरीच्या पाठवणीचा असा व्हिडिओ व्हायरल होत आहे, जो पाहून तुम्हीही खळखळून हसाल. हा व्हिडिओ पाकिस्तानचा असल्याचं सांगण्यात येत आहे. ज्यामध्ये पाठवणीच्या वेळी वधूच्या घरातील कोणीही रडत नाही, तेव्हा ती असा गोंडस प्रश्न विचारते, जो ऐकून तुमच्या चेहऱ्यावरही हसू येईल. मात्र नवरीच्या प्रश्नावर तिथे उपस्थित लोकही अतिशय मजेशीर उत्तर देतात. दिखाव्याच्या नादात तरुणासोबत भलतंच घडलं; BMW मधून पडून थेट रस्त्यावर आपटला, पाहा VIDEO व्हायरल होत असलेल्या व्हिडिओमध्ये (Bride Funny Video) तुम्ही बघू शकता की, लग्नानंतर नववधू पाठवणीच्या वेळी गाडीमध्ये बसली आहे. कारच्या आजूबाजूला तिचे कुटुंबीय आणि मित्रमंडळी उपस्थित आहेत. यादरम्यान, वधू कुटुंबातील सदस्यांना अतिशय गोंडसपणे विचारते की तुमच्यापैकी कोणीही का रडत नाही? यानंतर तिथे उभ्या असलेल्या स्त्रिया हसतात आणि उत्तर देतात की आम्ही का रडायचं. आमचा मेकअप खराब होईल. इथेच व्हिडिओ संपतो. वधूचा हा मजेशीर व्हिडिओ इंटरनेटवर धुमाकूळ घालत आहे.
    वधूचा हा व्हिडिओ इन्स्टाग्राम या सोशल मीडिया प्लॅटफॉर्मवर wedding_visual नावाच्या पेजवरुन शेअर करण्यात आला आहे. युजरने कॅप्शनमध्ये लिहिलं, 'पाठवणीच्या वेळी नवरी नातेवाईकांना विचारते - तुमच्यापैकी कोणीही का रडत नाही?'. 10 मार्च रोजी अपलोड झालेला हा व्हिडिओ सोशल मीडियावर चांगलाच व्हायरल होत आहे. आतापर्यंत 55 लाखांहून अधिकांनी हा व्हिडिओ लाईक केला आहे. हा व्हिडिओ लाखो वेळा पाहिला गेला आहे. ही संख्या सातत्याने वाढत आहे. व्हिडिओ पाहिल्यानंतर लोक यावर मजेदार प्रतिक्रियाही देत आहे. Girl Video: विसरभोळ्या मुलीने स्कूटीसोबत केला प्रताप; लोक मात्र म्हणाले,'वाह दीदी वाह'! एका यूजरने कमेंट करत लिहिलं की, 'ही नवरी खूप क्यूट यार आहे.' दुसरा यूजर म्हणतो की, घरातील सदस्यांनाच तिला लवकर पाठवायचं आहे असं दिसतंय. याशिवाय, इतरही अनेकांनी यावर निरनिराळ्या कमेंट केल्या आहेत. लोकांना हा व्हिडिओ इतका आवडला आहे की ते मित्र आणि नातेवाईकांना कमेंट सेक्शनमध्ये टॅग करून हा व्हिडिओ पाहण्यास सांगत आहेत. एकूणच या व्हिडिओला सोशल मीडियावर खूप पसंती मिळत आहे.
    Published by:Kiran Pharate
    First published:

    Tags: Bride, Wedding video

    पुढील बातम्या