पाकिस्तानी हॉटेलनं लाज सोडली, ग्राहकांना आकर्षित करण्यासाठी आलिया भट्टच्या व्हिडीओचा वापर

मुंबई, 18 जून :  पाकिस्तानतील कराचीमधील एक हॉटेल सध्या वादात सापडलंय. या हॉटेलनं ग्राहकांना आकर्षित करण्यासाठी अभिनेत्री आलिया भट्टच्या (Alia Bhatt) व्हिडीओचा वापर केला आहे. आलियाच्या गंगूबाई काठिवाडी (Gangubai Kathewadi) या चित्रपटातील एका प्रसंगाचा व्हिडीओ या हॉटेलनं सोशल मीडियावर शेअर केला आहे. हा व्हिडीओ शेअर करून या हॉटेलनं पुरूष ग्राहकांना 25 टक्के खास सूट जाहीर केली आहे. काय आहे प्रसंग? कराचीमधील हॉटेल स्विंगनं हा प्रकार केला आहे. या हॉटेलनं गंगूबाई काठियावाडीतील व्हिडीओ शेअर केला आहे. या सिनेमात आलियानं एका वेश्येची भूमिका केली आहे. ही वेश्यानंतर एका मोठ्या वेश्यालयाची मालकीन होते. या सिनेमात एक सिन आहे. त्यामध्ये आलिया ग्राहकांना आकर्षित करण्यासाठी हातानं ग्राहकांना बोलावत असते. स्विंग हॉटेलनं याच प्रसंगाचा वापर ग्राहकांना आकर्षित करण्यासाठी केला आहे. 'आजा ना राजा किसका इंतजार है' या कॅप्शनसह हा व्हिडीओ शेअर करण्यात आला आहे.

View this post on Instagram

A post shared by Swing 🌸 (@swing.khi)

सोशल मीडियावर वादळ कराचीतील हॉटेलनं प्रसिद्धीसाठी केलेल्या या प्रकारानंतर सोशल मीडियात जोरदार प्रतिक्रिया उमटत आहेत. 'तुमची कृती योग्य ठरवण्यासाठी या प्रकारच्या प्रसंगाचा वापर करणे मूर्खपणा आहे', अशी प्रतिक्रिया एका युझरनं दिली आहे. तर आणखी एका इन्स्टाग्राम युझरनं या प्रकारच्या कृतीनं तुम्हाला काही ग्राहक मिळतील पण ही चुकीची पद्धत आहे,' या शब्दात नाराजी व्यक्त केली आहे. हजारो रुपयांच्या ट्रिटमेंट करुन माय-लेकी झाल्या सुंदर; बिल पाहताच दोघीही फरार! या हॉटेलनं मात्र हे सर्व आरोप फेटाळले आहेत. 'ही फक्त एक संकल्पना आहे. कुणालाही दुखावण्याचा आमचा हेतू नाही. आम्ही तुमच्या सर्वांची पूर्वीप्रमाणेच प्रेमानं सेवा करण्यासाठी सज्ज आहोत,' असं स्पष्टीकरण या हॉटेलनं दिलं आहे.