पाकिस्तानी मीडियाचं तालिबानीकरण, न्यूज अँकरनं Live कार्यक्रमात घातला हिजाब, VIDEO

मुंबई, 18 सप्टेंबर : पाकिस्तानचे पंतप्रधान इम्रान खान (Pakistan PM Imran Khan) हे सातत्यानं अफगाणिस्तान (Afghanistan) मधील तालिबान सरकार योग्य असल्याचं सांगत आहेत. जगानं तालिबानला वेळ द्यावा, अशी मागणी करत आहेत. त्याचवेळी पाकिस्तानचा मीडिया देखील मागं नाही. त्यांनी तालिबान सरकारसाठी प्रोपगंडा चालवण्यास सुरुवात केली आहे. पाकिस्तान न्यूज चॅनलच्या अँकरनं (TV News Anchor) शुक्रवारी हिजाब घालणे योग्य असल्याचं सांगंत भर कार्यक्रमाह हिजाब घातला. हिजाब घातल्यानंतर विचार बदलत नाहीत, असा दावा तिनं केलं. या घटनेचा व्हिडीओ सध्या व्हायरल होत आहे. काय आहे प्रकरण? समा टीव्हीच्या न्यूज अँकरचा हा व्हिडीओ सध्या सोशल मीडियावर चांगलाच व्हायरल होत आहे. या टिव्हीवरील लाईव्ह कार्यक्रमात पाकिस्तानचे प्राध्यापक परवेज हुडभोय उपस्थित होते. त्यांनी पाकिस्तानच्या विद्यापीठात मुली हिजाब घालून जात असल्याचं सांगितलं. त्यांच्या उत्तरानं महिला अँकर चांगलीच नाराज झाली. तिनं हिजाब घालण्याच्या कृतीचा बचाव केला. ती इतक्यावरच थांबली नाही तर तिनं लाईव्ह कार्यक्रमात हिजाब घालून दाखवला.

Good on you girl for putting this man in his place. Unbelievable that a man of Pervez Hoodbhoy’s stature can make such outrageous comments against those wearing hijab. He needs treatment. #Pervezhoodbhoy pic.twitter.com/IpumFUGCYq

— Lubna U Rifat (@lubnaurifat) September 16, 2021

तालिबानने दाखवले खरे रंग, महिलांच्या मंत्रालयात महिलांनाच बंदी कशावर घेतला आक्षेप कायदे आझम विद्यापीठातील प्राध्यापक परवेज हुडोभाय यांनी या कार्यक्रमात म्हंटले की, 'मी 1973 सालापासून शिकवण्यास सुरुवात केली आहे. 47 वर्षांपूर्वी क्वचितच एखादी मुलगी बुरखा घातलेली दिसत असे. पण, आता बुरखा ही सामान्य गोष्ट बनली आहे. आता बुरखा न घालणारी मुलगी दिसत नाही. तसंच एखादी मुलगी वर्गात हिजाब घालून बसली असेल तर तिचा वर्गातील सहभाग खूप कमी होतो. ती वर्गात आहे की नाही? हेच समजत नाही. याच मुद्यावर आक्षेप घेत पाकिस्तानच्या न्यूज अँकरनं कार्यक्रमात बुरखा घातला.