Video Game खेळत टॉयलेट सीटवर बसला, खालून सापाने साधला डाव; गुप्तांगात दात घुसले आणि...

क्वालालांपूर, 25 मे : सध्या उठता-बसता, चालता-फिरता, खाता-पिता प्रत्येक ठिकाणी मोबाईल हा आपल्यासोबतच असतो. अनेकांच्या बाबतीत तर याला टॉयलेटही अपवाद नाही. बाथरूम, टॉयलेटमध्येही मोबाईल घेऊन ते जातात. टॉयलेटमध्ये असाच मोबाईल घेऊन जाणं मलेशियातील एका व्यक्तीला चांगलंच भारी पडलं आहे. त्याला अशी जखम मिळाली आहे, जी तो आयुष्यात कधीच विसरणार नाही (Snake attack in toilet). मोबाईल हातात म्हटल्यावर दुसरीकडे कुठे लक्षच जात नाही. म्हणजे आपल्या आजूबाजूला काय आहे, आपण काय करतो आहे याचं काहीच भान राहत नाही आणि यामुळेच मोठमोठ्या दुर्घटना होतात. मलेशियातील 28 वर्षांच्या साबरी तजालीसोबतही असंच घडलं. टॉयलेटमध्ये मोबाईल वापरण्याची त्याला मोठी किंमत मोजावी लागली. साबरी व्हिडीओ गेम खेळता खेळता टॉयलेटमध्ये गेला. त्याचं पूर्ण लक्ष गेममध्येच होतं. टॉयलेटकडे न पाहता तो सीटवर बसला आणि त्याचवेळी खालून सापाने डाव साधला. साबरीच्या गुप्तांगावर सापाने हल्ला केला. हे वाचा - बापरे बाप! वृद्ध व्यक्तीला सिंहाने जबड्यात धरून फरफटत नेलं; कॅमेऱ्यात कैद झालं भयावह दृश्य साबरीने सांगितलं. सापाचे दात माझ्या पार्श्वभागात घुसले होते. जेव्हा मी टॉयलेट सीटवरून उठलो तेव्हा सापाचे दात अडकून राहिले होते. घाबरून मी सापाला झटकून बाजूला गेलं आणि बाथरूममधून बाहेर पळालो.

Dua bulan lepas bontot aku kena gigit dengan ular time aku berak. Ular tu keluar dari lubang jamban. Nasib dia tak gigit telur aku. pic.twitter.com/ABDjDkSe2Q

— Sabri Bey (@sabritazali) May 22, 2022

त्याने तात्काळ बचाव पथकाला बोलावलं. यानंतर सापाला जिवंत पकडून त्याच्या घरातून बाहेर काढण्यात आलं. न्यूजवीकच्या रिपोर्टनुसार, सुदैवाने साप विषारी नव्हता. पण डॉक्टरांनी त्याला टेटनसचं इंजेक्शन दिलं. दोन आठवड्यांनंतर डॉक्टरांनी सापाच्या दातांचे तुकडे त्याच्या मागील भागात सापडले. हे वाचा - Shocking Video - मिठी मारत थेट मगरीलाच किस करायला गेला तरुण; धक्कादायक शेवट त्याने याचे फोटोही सोशल मीडियावर शेअर केला आहेत. सापाचे फोटो त्याने ट्विटरवर ट्विट केले आहेत. द स्टारशी बोलतान साबरीने सांगितलं, अद्यापही त्या घटनेने माझ्या मनात भीतीने घऱ केलं आहे. दोन आठवडे तो आपल्या टॉयलेटमध्ये गेला नाही. टॉयलेटमध्ये सापाने दंश केल्याचं हे पहिलं प्रकरण नाही. याआधी अशी बरीच प्रकरणं समोर आली आहेत. अशी वेळ कुणावर येऊ नये, पण आलीच म्हणजे सापाने हल्ला केलाच तर नेमकं काय करावं याचीही माहिती तुम्हाला असलेली चांगली. साप चावल्यास काय करावं? जर तुम्हाला सापाने दंश केलं असेल तर ज्या ठिकाणी उभे आहात तिथेच थांबा. अजिबात चालू नका. कारण चालल्याने विष पटकन शरिरात पसरतं. जिथे सापाने दंश केला तिथला भाग घट्ट बांधा, ज्यामुळे विष वर शरीरात चढणार नाही. तात्काळ रुग्णालयात जावं.