Home /News /videsh /

'अविश्वास ठरावाला सामोरं जा', पाकिस्तानच्या सर्वोच्च न्यायालयानं Imran Khan यांना सुनावलं

'अविश्वास ठरावाला सामोरं जा', पाकिस्तानच्या सर्वोच्च न्यायालयानं Imran Khan यांना सुनावलं

न्यायालयानं इम्रान यांना अविश्वास ठरावाला सामोर जाण्यास सांगितलं आहे. तसंच, या प्रकरणावर निर्णय देताना उपसभापतींचा संसद बरखास्त करण्याचा निर्णय असंवैधानिक असल्याचं म्हटलंय. नॅशनल असेंब्लीत 9 एप्रिलला अविश्वास प्रस्तावावर मतदान होणार आहे.

पुढे वाचा ...
    इस्लामाबाद, 7 एप्रिल : पाकिस्तान राजकीय संकटातून जात असताना पाकच्या सर्वोच्च न्यायालयानं इम्रान खान यांना मोठा दणका दिला आहे. न्यायालयानं इम्रान यांना अविश्वास ठरावाला सामोर जाण्यास सांगितलं आहे. तसंच, या प्रकरणावर निर्णय देताना उपसभापतींचा संसद बरखास्त करण्याचा निर्णय असंवैधानिक असल्याचं म्हटलंय. नॅशनल असेंब्लीत 9 एप्रिलला अविश्वास प्रस्तावावर मतदान होणार आहे. म्हणजेच, इम्रान खान यांना आता अविश्वास प्रस्तावापासून पळ काढता येणार नाही. निर्णयापूर्वी इम्रान खान म्हणाले होते... सर्वोच्च न्यायालयाच्या निर्णयापूर्वी पंतप्रधान इम्रान खान यांनी त्यांच्या कायदेशीर टीमसोबत एक महत्त्वाची बैठक घेतली आणि न्यायालयाचा जो निर्णय असेल, तो मला आणि माझ्या पक्षाला मान्य असेल, असं सांगितलं. सूत्रांनी सांगितले की, कायदेशीर संघाने नॅशनल असेंब्लीचे (एनए) उपसभापती कासिम खान सूरी यांच्या निर्णयाविरुद्धच्या याचिकेवर सर्वोच्च न्यायालयाच्या सुनावणीची माहिती दिली, ज्यामध्ये त्यांनी 3 एप्रिल रोजी पंतप्रधान इम्रान खान यांच्याविरोधात विरोधकांचा अविश्वास प्रस्ताव फेटाळला होता. . पंतप्रधान इम्रान खान म्हणाले की, पीटीआय नव्यानं निवडणूक लढवण्यास पूर्णपणे तयार आहे. त्याचबरोबर देशात परकीय षड्यंत्र कधीच यशस्वी होऊ देणार नाही, असंही ते म्हणाले. यापूर्वी, पाकिस्तानच्या सुप्रीम कोर्टानं नॅशनल असेंब्ली स्पीकरने पीएम खान यांच्याविरुद्धचा अविश्वास प्रस्ताव फेटाळण्याच्या निर्णयाशी संबंधित एका प्रकरणात आपला निर्णय राखून ठेवला होता. विरोधकांनी बैठक बोलावली सर्वोच्च न्यायालयाच्या निर्णयापूर्वी विरोधकांनी संयुक्त बैठक बोलावली. पीएमएल-एन अध्यक्षांच्या निवासस्थानी सायंकाळी साडेसात वाजता ही बैठक झाल्याचं सूत्रांनी सांगितलं. बैठकीला उपस्थित राहण्यासाठी बिलावल भुट्टो, आसिफ झरदारी आणि मौलाना फजलुर रहमान यांना निमंत्रण पाठवण्यात आलं होतं. पीएमएल-एन अध्यक्षांच्या निवासस्थानी विरोधी पक्षनेते सर्वोच्च न्यायालयाच्या निर्णयावर एकत्रितपणे सुनावणी करणार असल्याचं सांगण्यात येत आहे. निर्णयानंतर विरोधक एकत्रित रणनीती आखणार आहेत. दुसरीकडे, पाकिस्तानच्या निवडणूक आयोगानं राष्ट्रपतींच्या पत्राला उत्तर दिले आहे. ऑक्टोबर 2022 मध्ये निवडणूक घेण्यास आयोग तयार असल्याचं निवडणूक आयोगानं म्हटलं आहे. संविधान आणि कायद्यानुसार सीमांकनासाठी आणखी 4 महिने लागतील. यानंतर, सर्वोच्च न्यायालयाने सार्वत्रिक निवडणुकीबाबत महत्त्वपूर्ण सल्लामसलत करण्यासाठी राष्ट्रपतींसोबत बैठक बोलावण्याविषयी सांगितलं. उपसभापतींच्या आदेशाविरोधात दाखल करण्यात आलेल्या याचिकेवर ही सुनावणी होत असून त्यात इम्रान सरकारविरोधातील अविश्वास प्रस्ताव फेटाळण्यात आला होता. यानंतर पाकिस्तानची संसदही बरखास्त करून 90 दिवसांत निवडणुका घेण्याची मागणी करण्यात आली.
    Published by:Digital Desk
    First published:

    Tags: Imran khan, Pakistan

    पुढील बातम्या