एक अपघात अन् अख्ख्या समुद्राचं पाणी झालं काळं! 'या' देशानं जाहीर केली आणीबाणी, पाहा VIDEO

पोर्ट लुईस, 10 ऑगस्ट : जगातील सर्वात स्वच्छ पाणी आणि निळ्याभोर समुद्रासाठी प्रसिद्ध असलेल्या मॉरिशसमध्ये (Mauritius) एक भयंकर अपघात घडला. या अपघातामुळे चक्क संपूर्ण समुद्राचे (Pristine beaches) पाणी काळ्या रंगाचे झाले. हे पाणी स्वच्छ करण्यासाठी सध्या हजारो नागरिक मेहनत करत आहे. मॉरिशसच्या सुंदर समुद्र किनाऱ्यांची अशी स्थिती जपानी तेल टँकर जहाजामुळे (Japanese carrier spills 1000 tonnes of crude oil) झाली आहे. हे जहाज 25 जुलैपासून मॉरिशसच्या दक्षिणपूर्व किनाऱ्यावर अडकले आहे आणि यातून हजारो टन कच्चे तेल बाहेर पडत आहे. एका अंदाजानुसार या टँकरमधून आतापर्यंत 1000 टन तेल वाहून गेले आहे, ज्यामुळे समुद्राचे पाणी काळे झाले आहे. यामुळे मॉरिशसमध्ये 'पर्यावरणीय आणीबाणी' (Environmental emergency) जाहीर करण्यात आली आहे.

रॉयटर्सनं दिलेल्या वृत्तानुसार, एमव्ही वकाशिव्हो (mv-wakashio) नावाचा हे तेल टँकर 25 जुलैपासून अडकले असून तेल गळतीमुळे मॉरिशसचा समुद्र काळा झाला आहे. मॉरिशसचे पंतप्रधान प्रविंद जगन्नाथ (Pravind Jagannath) यांनी पर्यावरणीय आपत्कालीन स्थितीची घोषणा केली आहे आणि असे म्हटले आहे की यामुळे देशासाठी धोका निर्माण झाला आहे.

वाचा-दाभोळ खाडीत मच्छिमारांच्या बोटीला जलसमाधी, LIVE VIDEO मध्ये पाहा थरार

Volunteers in Mauritius are scrambling to create cordons to keep leaking oil away from the island after a tanker ran aground on a coral reefhttps://t.co/GrmfLi0vPo pic.twitter.com/BIEW8NPBQx

— BBC News (World) (@BBCWorld) August 9, 2020

वाचा-समुद्र किनाऱ्यावर सापडला 15 फूटी लांब मृतदेह, रहस्यमय PHOTO पाहून लोक हादरले

जगन्नाथ यांनी आंतरराष्ट्रीय समुदायाची मदत घेतली आहे. पर्यावरण संरक्षणाचे काम करणारे ग्रीनपीस यांचे म्हणणे आहे की, यामुळे मॉरिशसमध्ये आतापर्यंतचे सर्वात भयावह पर्यावरण संकट निर्माण होईल. यामुळे सागरी प्राणी तसेच पर्यावरणाला मोठा धोका आहे. शुक्रवारी प्रसिद्ध झालेल्या सॅलेटाइट फोटोमध्ये काळ्या समुद्रावर तेल पसरताना दिसत आहे. फ्रान्सचे अध्यक्ष इमॅन्युएल मॅक्रॉन म्हणाले की त्यांचा देश मॉरिशसच्या मदतीसाठी विशेष पथके आणि उपकरणे पाठवित आहे. मॉरिशसजवळ फ्रान्समधील रियुनियन बेट आहे.

वाचा-खेळता खेळता पाचव्या मजल्यावरून घसरली 5 वर्षांची चिमुरडी, खाली पडणार तेवढ्यात...

हजारो स्थानिक लोक करत आहेत मदत

दरम्यान, सध्या हजारो स्थानिक लोक तेल साफ करण्यासाठी मदत करत आहेत. डेली मेलच्या वृत्तानुसार, रविवारी प्रिन्सटन बीच व आजूबाजूच्या परिसरातील समुद्रकिनारा साफसफाईसाठी हजारो सामान्य लोक सामील झाले. दुसरीकडे जपानने म्हटले आहे की ते टँकरमधून होणारी गळती थांबविण्यासाठी सातत्याने प्रयत्न करत आहेत. मात्र आतापर्यंत मिळालेल्या माहितीनुसार टँकरला वाचविणे जवळजवळ अशक्य आहे आणि परिस्थिती आणखी बिकट होण्याची शक्यता अधिक आहे. पीएम जगन्नाथ म्हणाले की, टँकर पूर्णपणे पाण्यात बुडाल्यास परिस्थिती आणखी बिकट होईल आणि समुद्रकिनार्‍यांवर तेल जास्त गोळा केले जाईल.