जगातील सर्वात मोठी बातमी! लवकरच मिळणार कोरोनावर लस, 'या' देशानं केलं महत्त्वाचं संशोधन

जेरुसलेम, 05 मे : जगभरात कोरोनानं थैमान घातले आहे. अशा परिस्थितीत जगभरातील सर्व देश सध्या कोरोनावर लस शोधण्याच्या प्रयत्नांत आहेत. दरम्यान इस्रायल जगातील अशा देशांमध्ये सामील झाला आहे जो कोव्हिड-19विरुद्धच्या युद्धात आशेचा किरण दाखवत आहे. एप्रिलमध्ये इस्रायलमधील शास्त्रज्ञांनी कोरोना लसीचा शोध घेण्यास सुरुवात केली, दरम्यान त्यांना आता मोठा शोध लागल्याचे इस्त्रायली संरक्षण मंत्रालयाच्या वतीनं सांगण्यात आलं आहे. इस्त्रायली संरक्षणमंत्री आणि इस्रायल इन्स्टिट्यूट फॉर बायोलॉजिकल रिसर्च (Israel Institute for Biological Research) यांनी दिलेल्या संयुक्त निवेदनात, कोरोना विषाणूचा नाश करण्यारी कोरोना लस तयार करण्यात शास्त्रज्ञांना यश आल्याचे सांगितले आहे. तसचे, इस्रायलनं तयार केलेली ही लस कोरोनावर हल्ला करून रुग्णांच्या शरीरातून त्याचा प्रादुर्भाव कमी करेल. तसेच, या लसीचा शोध टप्पा संपला असून आंतरराष्ट्रीय कंपन्यांच्या मदतीनं अॅंटीबॉयटिक्स तयार केले जातील, इस्त्रायलचे संरक्षण मंत्री नफ्ताली बेनेट यांनी याबाबत माहिती दिली.

#BREAKING: Joint statement by the Israeli Ministery of Defense and the Israel Institute for Biological Research: A significant breakthrough has been achieved in finding an antidote to the Corona virus that attacks the virus and can neutralize it in the sick body

— Amichai Stein (@AmichaiStein1) May 4, 2020

इस्रायल इन्स्टिट्यूट ऑफ बायोलॉजिकल रिसर्च (IIBR) हे एक गुप्त युनिट आहे जे थेट इस्रायलच्या पंतप्रधानांच्या देखरेखीखाली कार्य करते. ही लस अॅंटीबॉयटिक्स विकसित करते जी कोरोनाव्हायरसवर मात देण्यासाठी उपयोगी असतील. इस्रायलचा असा दावा आहे की ते लवकरच आपल्या तंत्रज्ञानाने कोरोनाला पराभूत करतील. त्याचबरोबर इस्रायल आणि भारत एकत्रितपणे कोव्हिड-19 चा पराभव करण्याचा मार्ग सापडेल अशी भारताला आशा आहे. हा प्रयोग यशस्वी झाल्यास भारत इस्रायलकडून तंत्रज्ञान घेईल. याआधी तयार केले स्वस्त व्हेंटिलेटर याआधी इस्त्रायली कंपनीने स्वस्त व्हेंटिलेटरही तयार केले होते. स्पिकिंग व्हेंटिलेटर देखील तयार केले गेले आहे. याच्या मदतीनं इस्रायल दररोज 10 हजार चाचण्या करत आहे. अ‍ॅपच्या माध्यमातून दुर्गम भागात राहणाऱ्या लोकांना चाचणीशीही जोडले गेले आहे. इस्त्रायली मॉडेलचे खूप कौतुक केले जाते. याआधी अमेरिका आणि ब्रिटन हे देशही कोरोना लस तयार करण्यात सक्रीय आहेत.