कुलभूषण जाधव प्रकरणी 15 मेला होणार सुनावणी

Samruddha Bhambure | News18 Lokmat | Updated On: May 11, 2017 12:02 PM IST

कुलभूषण जाधव प्रकरणी 15 मेला होणार सुनावणी

11 मे : हेरगिरीच्या आरोपावरून पाकिस्तानच्या कैदेत असलेले भारतीय नागरिक कुलभूषण जाधव यांना आंतरराष्ट्रीय न्यायालयाने मंगळवारी मोठा दिलासा दिला होता. आता या प्रकरणी पुढील सुनावणी आता 15 मेला आंतरराष्ट्रीय न्यायालयात होणार आहे. पाकिस्तानने जाधव यांना 10 एप्रिलला फाशीची शिक्षा सुनावली होती.

पाकिस्तानने सुनावलेल्या शिक्षेविरोधात भारताने आंतरराष्ट्रीय न्यायालयात दाद मागितली होती . तसंच भारताला पाकिस्तानने कोणतीही माहिती न देता बेकायदशीरपणे फाशीची शिक्षा सुनावली, असा दावाही भारताने आंतरराष्ट्रीय न्यायालयात केला होता. त्यानंतर न्यायालयाने जाधव यांच्या फाशीला स्थगिती दिली. न्यायालयांच्या या निर्णयामुळे जाधव यांच्या मुक्ततेसाठी पाकिस्तानवर दबाव आणणं शक्य होणार आहे.

दरम्यान, पुढील सुनावणीदरम्यान पाकिस्तान काय भूमिका मांडणार, ते पाहणे महत्वाचे ठरणार आहे.

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: May 11, 2017 11:38 AM IST
Loading...

ताज्या बातम्या

Loading...