US राष्ट्राध्यक्ष पद तर गमावलेच आता Twitter फॉलोअर्सही! डोनाल्ड ट्रम्प यांच्या लोकप्रियतेला ओहोटी

वॉशिंग्टन, 02 डिसेंबर: अमेरिकेच्या राष्ट्राध्यक्ष पदाची निवडणूक (US President Election) हरल्यानंतर डोनाल्ड ट्रम्प (Donald Trump) यांच्या ट्विटरवरील (Twitter) लोकप्रियतेलाही ओहोटी लागल्याचं दिसत आहे. ट्रम्प सातत्याने खऱ्या खोट्या बातम्यांचे ट्वीट करत असतात, पण आता त्यांच्या फॉलोअर्सची संख्या सातत्याने घटत चालल्याचं स्पष्ट होत आहे.

ट्रम्प यांची सार्वजनिक वक्तव्यं आणि त्याला मिळणारा प्रतिसाद याचा मागोवा घेणाऱ्या फॅक्टबेस (Factbase) या वेबसाइटने दिलेल्या माहितीनुसार, अध्यक्षपदाची निवडणूक हरल्यापासून ट्रम्प यांच्या ट्विटरवरील फॉलोअर्सच्या संख्येत एक लाखांहून अधिक घट झाली आहे, तर त्यांचे प्रतिस्पर्धी आणि अध्यक्षपदाची निवडणूक जिंकणारे जो बायडन (Joe Biden) यांच्या ट्विटर फॉलोअर्सची संख्या तब्बल दहा लाखांनी वाढली आहे.

18 नोव्हेंबरपासून ट्रम्प यांच्या फॉलोअर्सच्या संख्येत सातत्याने दररोज हजारोंच्या संख्येने घट होत आहे. दिवसाला साधारण एक हजाराने घट झाली आहे. सीएनएनच्या (CNN) एका अहवालातील माहितीच्या आधारे, 'ट्विटरवरील लोकप्रियता काही जगातील सर्वात महत्त्वाचं प्रमाण नाही; मात्र दुर्लक्ष करण्यासारखं देखील नाही. 2015 नंतर प्रथमच ट्रम्प यांच्या फॉलोअर्सच्या संख्येत सातत्याने घट होत आहे.' असं ब्रायन स्टेलर यांनी आपल्या ट्विटमध्ये म्हटलं आहे. त्यांनी असं म्हटलं आहे की, फॅक्टबेसने केलेल्या पाहणीनुसार, सलग अकरा दिवस ट्रम्प यांचे फॉलोअर्स कमी होत आहेत. फॅक्टबेसने दिलेल्या माहितीनुसार, 18 नोव्हेंबर ते नोव्हेंबर 30 या कालावधीत सलग 12 दिवस फॉलोअर्सची संख्या मोठ्या प्रमाणात कमी झाली आहे.

Surely not the most important metric in the world, but still worth noting: For the first time since 2015, Trump is consistently losing followers on here. @FactbaseFeed has measured small declines for 11 days in a row. pic.twitter.com/BZzXJ2D0SJ

— Brian Stelter (@brianstelter) November 29, 2020

लोकप्रियतेच्या शिखरावर असताना ट्रम्प यांचे तब्बल 88.8 दशलक्ष फॉलोअर्स होते. दरम्यान ट्रम्प सातत्याने निवडणूकीत गैरप्रकार झाल्याचे आरोप करणारे, त्यांनीच निवडणूक जिंकली असल्याचा दावा करणारे ट्वीट्स करत होते. अगदी अलीकडेच त्यांनी ‘आम्ही हरूच शकत नाही’(No way we Lost) असं ट्वीट केलं आहे. मतदानात गैरप्रकार झाल्याचे कोणतेही पुरावे नसताना देखील रिपब्लिकन पक्षानेच निवडणूक जिंकल्याचा दावा ते करत आहेत. ट्विटरने देखील त्यांच्या ट्वीटसची पडताळणी करून बहुतांश पोस्टस या चुकीच्या असल्याचं म्हटलं आहे. मात्र अद्यापही ट्रम्प यांना ते हरल्याचं पटलं आहे असं वाटत नाही.

(हे वाचा-पहिल्यांदाच एक भारतीय BATA चा बॉस; ग्लोबल CEO बनले संदीप कटारिया)

जो बायडन हे आपल्या पहिल्याच अध्यक्षीय निवडणूकीत 80 दशलक्षपेक्षा अधिक मतांनी विजयी झाले आहेत आणि नोव्हेंबर अखेरपर्यंत झालेल्या मतमोजणीचा निकाल बाकी आहे. एवढ्या मताधिक्याने विजय मिळवूनही ट्रम्प बायडेन यांचा विजय नाकारत आहेत. जो बायडन (Joe Biden) यांचे ट्वीटरवर 1 डिसेंबरपर्यंत 20.2 दशलक्ष फॉलोअर्स आहेत. सोशल बेकर्सच्या मते गेल्या आठवड्यापासून त्यांच्या फॉलोअर्सच्या संख्येत सातत्याने वाढ होत आहे.