मेहुल चोक्सीला आणखी एक झटका, जामीन देण्यास कोर्टाचा नकार

डोमिनिका, 12 जून: देशातील (India) पंजाब नॅशनल बँकेचं (Punjab National Bank) 13 हजार कोटी रुपयांचं कर्ज बुडवून फरार झालेला हिरे व्यापारी (Diamantaire) मेहुल चोक्सी (Mehul Choksi)ला डोमिनिका हायकोर्टानं चांगलाच झटका दिला आहे. डोमिनिका हायकोर्टानं मेहुल चोक्सीचा जामीन (Dominica High Court)अर्ज फेटाळला आहे. फ्लाईट रिस्कचं कारण देत कोर्टानं असल्याने कोर्टाने चोक्सी याला जामीन देण्यास नकार दिला आहे.

शनिवारी झालेल्या सुनावणी दरम्यान चोक्सीच्या वकिलांनी युक्तीवाद केला. या युक्तीवादात वकिलांनी दावा केला की, चोक्सी हा कॅरीकॉमचा नागरिक असल्याने त्याचा गुन्हा देखील जामीनपात्र आहे. त्यामुळे त्याला जामीन मिळण्याचा हक्क आहे. डोमिनिका सरकारनं कोर्टासमोर कागदपत्रं सादर करुन मेहुल चोक्सीचा याचिका फेटाळावी अशी विनंती केली होती. चोक्सीच्या स्थानिक वकिलांनी ही याचिका दाखल केली होती. त्यावर कोर्टाच्या न्यायाधीशांनी व्हिडिओ कॉन्फरन्सद्वारे सुनावणी सुरू केली.

हेही वाचा- नितीन गडकरीचे नातेवाईक सांगून डोंबिवलीत बापलेकाचा धक्कादायक प्रताप

दोन दिवसांपूर्वीच डोमिनिका सरकारनं मेहुल चोक्सीला बेकायदेशीर प्रवासी (अवैध स्थलांतर) (Illegal Immigrant) म्हणून घोषित केलं आहे. डोमिनिका सरकारकडून 25 मे रोजी एक आदेश जारी करण्यात आला होता. अँटीग्वामध्ये(Antigua)राहणारा चोक्सी 23 मे रोजी डोमिनिका येथे पोहोचला होता. तेव्हा त्याला डोमिनिका पोलिसांनी अटक केली होती. त्यानंतर तो अजूनही पोलीस कोठडीत आहे.

चोक्सीनं स्वतःच रचला अपहरणाचा कट

मेहुल चोक्सी (Mehul Choksi)सध्या त्याच्या कथित अपहरण (Kidnapping) नाट्यामुळे चर्चेत आला होता. अँटीग्वामधून (Antigua) डोमिनिकाला गेलेल्या चोक्सीनं आपल्याला भारतात परत नेण्यासाठी भारत सरकारनं जबरदस्तीनं डोमिनिकाला (Dominica) नेल्याचा आरोप केला होता. मात्र अँटीग्वा सरकार त्याला परत भारतात पाठविण्यासाठी तयार असल्याचं त्यानं स्वतःच आपल्या अपहरण नाट्याची कहाणी तयार केल्याची धक्कादायक माहिती भारतीय गुप्तचर स्रोतांनी उघडकीस आणली आहे. सीएनएन-न्यूज 18 ला त्यांनी ही माहिती दिली असून या प्रकरणात चोक्सीला मदत करणाऱ्या एका फरारी एजंटचे फोटोही सीएनएन-न्यूज 18 ला मिळाले आहेत. या व्यक्तीचा शोध घेण्यात येत असल्याचं अँटीग्वा पोलिसांनी सांगितलं आहे.

ही व्यक्ती चोक्सीला समुद्रमार्गे क्युबाला (Cuba) घेऊन जाणार होती. पण डोमिनिकामध्ये बेकायदेशीररित्या प्रवेश केल्याबद्दल त्याला अटक करण्यात आल्यानं त्यांचा हा डाव फसल्याचं पोलीस चौकशी दरम्यान सिद्ध झालं आहे. अँटिग्वा सोडून क्युबामध्ये स्थायिक होण्याची चोक्सीची योजना असल्याचं तसंच चोक्सीकडं अँटिग्वा आणि बार्बुडासह आणखी एका कॅरेबियन देशाचे नागरिकत्व असल्याची माहिती अँटिग्वामधील चोक्सीचा जवळचा मित्र गोविन (Govin) यानं पोलिसांना दिली.