VIDEO: एक डाव भुताचा; मुलाला भुताने उचलून नेलं आणि...

मुंबई, 02 नोव्हेंबर: लहान मुलांच्या मनात भुतांबद्दल फारच भीती असते. आणि एखाद्या लहान मुलाला भुताने उचलून नेलं तर? पुढे काय होईल याची कल्पना न करणंच चांगलं आहे. असाच एक व्हिडीओ सोशल मीडियावर व्हायरल झाला आहे. घरातल्या घरातच हा मजेदार व्हिडीओ (Funny Video) शूट करण्यात आला आहे. भुताच्या वेषात एक माणूस लहान मुलाला घेऊन जात आहे. असं या व्हिडीओमध्ये दाखवण्यात आलं आहे. हा व्हिडीओ सध्या सोशल मीडियावर चांगलाच व्हायरल होत आहे. या व्हिडीओला 30 लाखांपेक्षा जास्त व्ह्यूज मिळाले आहेत. Ryan Shady नावाच्या एका ट्विटर युझरने हा व्हिडीओ शेअर केला आहे. रायन यांनी एक कॅप्शनमध्ये म्हटलं आहे, “माझ्या मुलाचं अपहरण झालं.” एखाद्या हॉलिवूड फिल्ममध्ये मुलाला पळवून नेण्याचा जसा प्रसंग दाखवला जातो. तसाच प्रसंग या मजेदार व्हिडीओमध्ये दाखवण्यात आला आहे. विशेष म्हणजे यात मुलांचा आणि त्या भूत झालेल्या व्यक्तीचा अभिनय वाखाणण्याजोगा आहे.

My child has been abducted. pic.twitter.com/LANkgqMpuc

— ✭ Ryan Shady ✭ (@RyanShady) October 31, 2020

ट्विटरवर शेअर झालेल्या या व्हिडीओला तब्बल 6 हजार कॉमेंट्स आणि 2 लाख 15 हजार लाइक्स आले आहेत. अनेक नेटकऱ्यांनी मजेदार कॉमेंट्स केल्या आहेत.

Where’s his Oscar because he bodied this. https://t.co/GDJBtXHLEL

— Olivia (@livyistrying) November 1, 2020

एका नेटकऱ्याने म्हटलं आहे, “या दोघांना ऑस्करच मिळायला हवा”. तर नेटकऱ्याने गंमतीत म्हटलं आहे,” मी तर घाबरलोच”