पॉर्न साइटवरच्या न्यूड सेल्फी आणि VIDEO क्लिप लीक, तब्बल 800 चित्रपटांएवढा डेटा

पॉर्न साइटवरच्या न्यूड सेल्फी आणि VIDEO क्लिप लीक, तब्बल 800 चित्रपटांएवढा डेटा

पॉर्न साइटवरील न्यूड सेल्फी आणि व्हिडिओ पाहण्यासाठी सबस्क्रिप्शन घ्यावं लागतं पण तोच डेटा लीक झाल्यानंतर फ्री उपलब्ध झाला.

  • Share this:

मुंबई, 29 फेब्रुवारी : सोशल मीडिया, वेबसाइट यामध्ये डेटा सुरक्षेचा मुद्दा महत्वाचा आहे. मात्र अनेकदा डेटा लीक झाल्याचे प्रकार समोर येत असतात. आता हजारो महिला पॉर्न स्टार्सचे न्यूड सेल्फी आणि व्हिडिओ लीक झाल्याच्या प्रकाराने खळबळ उडाली आहे. हे फोटो आणि व्हिडिओ एका पॉर्न साइटवरून लीक झाले आहेत. हॅकर्सनी वेबसाइट हॅक करून पॉर्न स्टार्सचे फोटो आणि व्हिडिओ इंटरनेटवर शेअर केले. ज्या वेबसाइटवरून फोटो लीक झालेत ती साइट उघडण्यासाठी पैसे द्यावे लागतात. मात्र लीक झाल्यानंतर तो कंटेंट फ्रीमध्ये पाहिला गेला.

दरम्यान, फोटो-व्हिडिओ लीक झाल्याची माहिती सोशल मीडियावर समजताच चाहत्यांना आणि पॉर्न स्टार्सना हे हॅकिंग असल्याचं वाटलं. मात्र वेबसाइटने हॅकिंग झाल्याचं फेटाळून लावलं आहे. वेबसाइटमार्फत सांगण्यात आलं की, युजर्सनी वेबसाइटवरून कंटेट चोरी करून इंटरनेटवर शेअर केला आहे. यामुळे पॉर्न स्टार्सचे फोटो आणि व्हिडिओ इंटरनेटवर फ्रीमध्ये उपलब्ध होतात.

ट्विटरवर एका अधिकाऱ्याने म्हटलं की, आम्ही वेबसाइट हॅक झाली का याची चौकशी करत आहे. सध्यातरी असा कोणताही प्रकार आढळलेला नाही. एका पॉर्न स्टारने म्हटलं की, कंटेंट लीक होण्यामागे स्क्रीन रेकॉर्डिंग सॉफ्टवेअर आहे. याच्या माध्यमातून युजर्स कॉम्प्युटर स्क्रीनवरील कंटेटं लोकल ड्राइव्हवर सेव्ह करू शकतात. त्यानंतर डेटा इंटरनेटवर टाकू शकतात.

लीक झालेला डेटा जवळपास 800 हॉलिवूड चित्रपटांइतका होता. वेगवेगळ्या वेबसाइटवर गेल्या आठवड्याभरात हा कंटेंट दिसत होता. जवळपास 1.6 टीबी डेटा लीक झाला असल्याची माहिती देण्यात आली. ज्या पॉर्न साइटवरील डेटा लीक झाला त्याचे जगभरात 3 कोटी युजर्स आहेत. मेंबरशिप प्लॅटफॉर्म असलेल्या या साइटवर युजर त्याच्या आवडत्या पॉर्नस्टारच्या कंटेंटसाठी सबस्क्रिप्शन घेतो. त्यासाठी महिन्यापासून ते वर्षभरासाठीचे पॅक आहेत.

वाचा : दिवसातून किती वेळा Sex करणं योग्य, तज्ज्ञांचं काय आहे म्हणणं?

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Feb 29, 2020 03:34 PM IST

ताज्या बातम्या