टेक्नोलाॅजी
Netflix वापरकर्त्यांना मोठा झटका, आता वापरता येणार नाही हा जुगाड, खिश्याला बसणार कात्री
आतापर्यंत बरेच लोक OTT सबस्क्रिप्शन सोबत घेत असत किंवा त्यांनी ते एकत्र घेतले नसले तरी ते पासवर्ड त्यांच्या कुटुंबियांना आणि मित्रांना शेअर करायचे, त्यामुळे अनेक लोक एकाच प्लॅनमध्ये OTT प्लॅटफॉर्मचा आनंद घेत असत. आता हे लवकरच संपणार आहे.
आतापर्यंत बरेच लोक OTT सबस्क्रिप्शन सोबत घेत असत किंवा त्यांनी ते एकत्र घेतले नसले तरी ते पासवर्ड त्यांच्या कुटुंबियांना आणि मित्रांना शेअर करायचे, त्यामुळे अनेक लोक एकाच प्लॅनमध्ये OTT प्लॅटफॉर्मचा आनंद घेत असत. आता हे लवकरच संपणार आहे.
पुढे वाचा ...- News18 Lokmat
- Last Updated :
संबंधित बातम्या
मुंबई, 18 मार्च : गेल्या काही वर्षांत ओटीटी (OTT) प्लॅटफॉर्मचा ट्रेंड खूप वाढला आहे. लोक अनेक वेगवेगळ्या प्लॅटफॉर्मवरून व्हिडीओ कंटेन्ट पाहतात. या OTT प्लॅटफॉर्मवर वेब सिरीज पाहण्यासाठी मासिक, त्रैमासिक आणि वार्षिक योजना घ्यावी लागेल. या लोकप्रिय प्लॅटफॉर्मपैकी एक म्हणजे नेटफ्लिक्स (Netflix). आत्तापर्यंत अनेक लोक प्लॅन एकत्र घ्यायचे किंवा त्यांनी सोबत घेतले नसले तरी ते पासवर्ड त्यांच्या कुटुंबियांना आणि मित्र-मैत्रिणींसोबत शेअर करायचे, त्यामुळे अनेक लोक एकाच प्लॅनमध्ये OTT प्लॅटफॉर्मचा आनंद घेत असत. आता यावर लवकरच नियंत्रण येणार आहे. कारण ही युक्ती वापरकर्त्यांसाठी एक विन-विन डील होती. परंतु, कंपनीला त्यातून नुकसान होत आहे. हे नुकसान टाळण्यासाठी नेटफ्लिक्स आता पासवर्ड शेअरिंग बंद करण्याचा विचार करत आहे.
पासवर्ड एकाच लोकेशन वर शेअर करता येणार
पासवर्ड शेअरिंग रोखण्यासाठी कंपनी चाचणी करत आहे. त्यानंतर आता यूजर्सना पासवर्ड शेअर करण्यासाठी कंपनीला पैसेही द्यावे लागतील. आणखी एक दिलासा म्हणजे एका घरात (एका ठिकाणी) राहणाऱ्या वापरकर्त्यांना पासवर्ड शेअर करण्याचा पर्याय दिला जाईल. त्याच वेळी, वापरकर्त्यांना घराबाहेर इतर ठिकाणी प्राथमिक खात्याच्या लॉगिन तपशीलावरून Netflix चालवण्यासाठी पैसे द्यावे लागतील.
Google Pay आणि Paytm ला मिळणार टक्कर, आता Tata लाँच करणार Payment App
कंपनीचे प्रोडक्ट इनोव्हेशन डायरेक्टर चेंगहाई लॉन्ग, एका ब्लॉग पोस्टमध्ये म्हणाले, "आम्हाला समजले आहे की वापरकर्त्यांकडे मनोरंजनासाठी अनेक पर्याय आहेत. म्हणूनच नेटफ्लिक्समध्ये येणारे कोणतेही नवीन फीचर युजर्ससाठी सोयीचे आणि उपयुक्त असावे असा आमचा प्रयत्न आहे. सबस्क्रिप्शनच्या पैशातून आम्ही आमच्या मोठ्या टीव्ही शो आणि चित्रपटांना निधी देतो, हे नाकारता येणार नाही. त्यामुळे थोडे जास्त पैसे देऊन एकापेक्षा जास्त वापरकर्ते अकाऊंट वापरू शकतात.
दरमहा 2 ते 3 डॉलर्स द्यावे लागतील
पासवर्ड शेअरिंगला ब्रेक लावणाऱ्या वैशिष्ट्याची सध्या चिली, कोस्टा रिका आणि पेरूमध्ये चाचणी केली जात आहे. येत्या आठवड्यात, या देशांच्या वापरकर्त्यांना सब-अकाउंटमध्ये दोन अतिरिक्त वापरकर्ते जोडण्याचा पर्याय दिला जाऊ शकतो. यासाठी कंपनी दर महिन्याला 2 ते 3 डॉलर आकारणार आहे. कंपनी आपल्या मानक आणि प्रीमियम योजनांसाठी नवीन वैशिष्ट्य आणणार आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.