फोन Gallery मध्ये तुमचे पर्सनल फोटो-व्हिडीओ Hide करायचे आहेत, ही आहे सोपी ट्रिक

नवी दिल्ली, 3 जून : प्रत्येकाचा स्मार्टफोन पर्सनल आणि प्रोफेशनल डेटाने भरलेला असतो. फोनमध्ये असे अनेक फोटो, व्हिडीओ असतात जे आपण कोणाशीही शेअर करू इच्छित नाही. काही वेळा आपला फोन दुसऱ्या हातात जातो आणि आपले पर्सनल फोटो-व्हिडीओ तो व्यक्ती पाहण्याची शक्यता निर्माण होते. त्यामुळे यावर सर्वात चांगला पर्याय म्हणजे, जे फोटो-व्हिडीओ तुम्हाला प्रायव्हेट ठेवायचे आहेत, ते लपवले जावेत. एका ट्रिकद्वारे स्मार्टफोन गॅलरीमधून फोटो-व्हिडीओ Hide करता येऊ शकतात. कसे Hide कराल फोटो-व्हिडीओ - अनेक लोक Google Photos App चा वापर करतात. हे अ‍ॅप अँड्रॉईड आणि iOS दोन्हीसाठी उपलब्ध आहे. गुगल फोटोज अ‍ॅपमध्ये फोटो-व्हिडीओ लपवण्याचा ऑप्शनही मिळतो. Google Photos ओपन करुन, असे फोटो आणि व्हिडीओ सिलेक्ट करा, जे हाईड करायचे आहेत. त्यानंतर थ्री डॉट मेन्यूवर टॅप करा. इथे Move to Archive असा पर्याय मिळेल. त्यानंतर हाईड करायचे सर्व फोटो-व्हिडीओ Archive Folder मध्ये जातील. Samsung फोनमध्ये असे हाईड करा फोटो - जर तुम्ही सॅमसंगच्या स्मार्टफोनमध्ये गॅलरी अ‍ॅपचा वापर करत असाल, तर इथेदेखील तुम्ही पर्सनल फोटो हाईड करू शकता. त्यासाठी एक नवा Album बनवा आणि त्याला एखादं नाव द्या. त्या अल्बममध्ये तुमचे फोटो-व्हिडीओ मूव्ह करा. आता खाली असलेल्या Albums ऑप्शनमध्ये जा आणि थ्री डॉट मेन्यूवर टॅप करा. त्यानंतर Hide/Unhide Albums पर्याय निवडा.

(वाचा - PAN-Aadhaar घरबसल्या करा लिंक; असं तपासा तुमचं Linking Status)

Oneplus फोनमध्ये असे हाईड करा फोटो - वनप्लस स्मार्टफोनमध्ये गॅलरी अ‍ॅप ओपन करा. हाईड करायचे असणारे फोटो-व्हिडीओ सिलेक्ट करा. थ्री डॉट मेन्यूवर टॅप करा. इथे Hide चा पर्याय मिळेल, त्यावर टॅप करा. अशारितीने तुमचे फोटो गॅलरीमध्ये दिसणं बंद होईल.

(वाचा - WhatsApp कडून चुकीचा वापर, केंद्र सरकारकडून हायकोर्टात प्रतिज्ञापत्र सादर)

Xiaomi - शाओमी स्मार्टफोनचाही भारतात मोठ्या प्रमाणात वापर केला जातो. फोनमध्ये गॅलरी अ‍ॅप ओपन करा आणि हाईड करायचे फोटो-व्हिडीओ सिलेक्ट करा. मेन्यूमध्ये दिलेल्या Hide बटणावर क्लिक करा.