तुमच्या शहरात LPG Gas Cylinder चा नवा दर काय? घरबसल्या सोप्या पद्धतीने असं तपासा

नवी दिल्ली, 8 ऑगस्ट : सरकारी तेल कंपन्यांनी 1 ऑगस्टपासून एलपीजी गॅस (LPG Gas Cylinder) सिलेंडरच्या नव्या किमती जारी केल्या आहेत. दर महिन्याच्या पहिल्या दिवशी या किंमतीत बदल केले जातात. मात्र या महिन्यात 14.2 किलो असणाऱ्या विना सब्सिडी घरगुती गॅस सिलेंडरच्या किंमतीत वाढ करण्यात आलेली नाही. तर इंडियन ऑईल कॉर्पोरेशनने 19 किलोग्रॅम कमर्शियल गॅस सिलेंडरच्या दरात 73.5 रुपये प्रति सिलेंडर दर वाढवला आहे. 19 किलोग्रॅम कमर्शियल सिलेंडरचा दर वाढून 1550 ते 1623 रुपये इतका झाला आहे.

घरगुती गॅस सिलेंडर किंमतीत वाढ झालेली नाही. या महिन्यात नवी वाढ न होता, आधीच्याच किंमती लागू आहेत. तुमच्या शहरात गॅस सिलेंडरचा दर काय आहे, हे जाणून देखील जाणून घेता येऊ शकतं.

काय आहे Aadhaar Authentication आणि का आहे गरजेचं? जाणून घ्या याचे फायदे

सिलेंडरचा अधिकृत दर तपासण्यासाठी इंडियन ऑईलच्या अधिकृत वेबसाईटवर चेक करता येईल. त्याशिवाय तुम्ही https://www.iocl.com/pages/indane-cooking-gas-overview यावरही सिलेंडरचा दर तपासू शकता. या लिंकवर नॉन-सब्सिडी आणि 19 किलोग्रॅमवाल्या सिलेंडरचे दोन ब्लॉक दिसतील. घरगुती गॅस सिलेंडरची किंमत पाहण्यासाठी खाली दिलेल्या सेक्शनमध्ये किंमत तपासण्यासाठी दिलेल्या लिंकवर क्लिक करावं लागेल.

तुमचा Facebook डेटा लीक झालाय का? सोप्या ट्रिकद्वारे असं तपासा

त्यानंतर राज्य, तालुका, डिस्ट्रिब्यूटर निवडावा लागेल. इथे ही सर्व माहिती भरल्यानंतर तुम्हाला सर्व सिलेंडरच्या किंमती तपासता येतील. ज्यात 5 किलो, 14 किंला, 150 किलोपर्यंतच्या सिलेंडरचे दर समजतील. तुमच्या शहराचं नाव निवडून सिलेंडरचा दर जाणून घेता येईल.