शिवाजी गोरे (प्रतिनिधी) दापोली, 09 सप्टेंबर: पर्यावरण मंत्री रामदास कदम हे भगत आणि जादूटोणावल्यांना घेऊन फिरत असल्याचा घणाघाती आरोप शिवसेना दापोली विधानसभा मतदारसंघाचे माजी आमदार सूर्यकांत दळवी यांनी केला. रामदास कदम हे बंगाली बाबांना घेऊन फिरत असतात आणि विरोधी पक्षनेता बनण्यासाठी त्यांनी भगत दिला होता असा दावा सूर्यकांत दळवी यांनी केला. अमावस्येला बंगाली बाबांच्या कोहळे कापयचे असा दावा देखील सूर्यकांत दळवी यांनी केला. कदम यांनी आतपर्यंत चारवेळा पक्षाच्या विरोधात काम केलं आहे, याचे पुरावे माझ्याकडे आहेत असा दावा ही सूर्यकांत दळवी यांनी केला आहे.
