कल्याण, 28 जुलै: आजपर्यंत रेल्‍वे प्लॅटफार्मवर फेरिवाल्‍यांना, प्रवाशांना पाहिले असेल, मात्र कल्याणजवळील शहाड रेल्‍वे स्‍टेशनवरील प्लॅटफॉर्मवर चक्‍क एकाने सुसाट रिक्षा चालवली आहे. याचा व्‍हिडिओ सध्या सोशल मीडियावर व्हायरल होत आहे. यामध्‍ये या रिक्षात काही प्रवाशी देखील दिसत आहेत.अगदी रस्‍त्‍यावर ज्याप्रमाणे रिक्षा चालवली जाते त्‍याचप्रमाणे रिक्षा चालक रेल्‍वे प्लॅटफार्मवर देखील रिक्षा चालवत आहे.
