#election 2019

बातम्याJul 16, 2019

मुख्यमंत्रिपदावरून युतीत वादाची ठिणगी; नाशिकमध्ये शिवसेनेकडून पोस्टरबाजी

नाशिक, 16 जुलै: मुख्यमंत्रिपदावरून शिवसैनिक आणि भाजप कार्यकर्त्यांमध्ये पुन्हा एकदा वाद उफाळून येण्याची चिन्हं आहेत. नाशिकमध्ये शिवसैनिक पुन्हा एकदा आक्रमक झालेले पाहायला मिळाले. मुख्यमंत्री शिवसेनेचाच होणार असं लिहिलेले फलक भाजप कार्यालयाबाहेर लावण्यात आले. सोमवारी भाजपच्या प्रभारी सरोज पांडे यांनी युती होणारच पण मुख्यमंत्री भाजपचाच होणार असं वक्तव्य केलं. त्याला प्रतिउत्तर म्हणून शिवसेनेकडून ही फलकबाजी करण्यात आली. त्यामुळे भाजप शिवसेनेमध्ये मुख्यमंत्री कोणाचा यावरून वादाची ठिणगी पडण्याचं चित्र आहे.