wednesday, november 21, 2018
मुंब्रा रेल्वे स्टेशनबाहेर मोठी दुर्घटना होता होता टळली. सतत गर्दीचे रेल्वे स्टेशन म्हणून मुंब्रा स्टेशन परिसर नेहमीच चर्चेत असतो. मुंब्रा रेल्वे स्टेशन परिसरातील रिक्षा स्टॅंड वर अचानक आज दुपारी ३ च्या सुमारास रिक्षा स्टॅंड मध्ये उभी असलेल्या रिक्षाने पेट घेतला. अचानक लागलेल्या आगीत रिक्षा जळून खाक झाली. ही आग इतकी भीषण होती की, मुंब्रा रेल्वे स्टेशनच्या प्लॅटफार्म नंबर एकला लागून असणारं एक बंद केबीन देखील आगीच्या भस्मस्थानी पडलंय. सुदैवानं वेळीच ही घटना लक्षात आल्यानं रिक्षा स्टॅंडवरील इतर रिक्षा हटवण्यात आल्या, तसंच प्रवाशांनाही स्टेशनवरुन हटवण्यात आलं. त्यामुळे मोठी दुर्घटना टळली. मात्र मध्य रेल्वेवरील मुंब्रा हे गर्दीचं स्टेशन असल्यानं रेल्वे प्लॅटफॉर्मच्या इतक्या जवळ रिक्षानं पेट घेतल्यानं प्रवाशांच्या सुरक्षेचा मुद्दा ऐरणीवर आलाय.
