Home /News /sport /

Tokyo Olympics : भारताला आज तिसऱ्या मेडलची अपेक्षा! कमलप्रीत कौरला इतिहास रचण्याची संधी

Tokyo Olympics : भारताला आज तिसऱ्या मेडलची अपेक्षा! कमलप्रीत कौरला इतिहास रचण्याची संधी

टोकयो ऑलिम्पिकमध्ये भारताला आजवर दोन मेडल मिळाली आहेत. या दोन मेडलनंतर आणखी एक मेडल भारताला सोमवारी मिळण्याची शक्यता आहे. भारताला तिसऱ्या मेडलची अपेक्षा कमलप्रीत कौरकडून (Kamalpreet Kaur) आहे.

    टोकयो, 2 ऑगस्ट : टोकयो ऑलिम्पिकमध्ये भारताला आजवर दोन मेडल मिळाली आहेत. वेटलिफ्टिंगमध्ये मीराबाई चानूनं  (Mirabai Chanu) सिल्व्हर तर बॅडमिंटनमध्ये पीव्ही सिंधूनं (PV Sindhu) बॅडमिंटनमध्ये ब्रॉन्झ मेडलची कमाई केली आहे. आता या दोन मेडलनंतर आणखी एक मेडल भारताला सोमवारी मिळण्याची शक्यता आहे. भारताला तिसऱ्या मेडलची अपेक्षा कमलप्रीत कौरकडून (Kamalpreet Kaur) आहे. कमलप्रीतनं थाळी फेक स्पर्धेतील  (Discus Throw) पात्रता फेरीत जोरदार कामगिरी करत सर्व देशाची अपेक्षा वाढवली आहे. पात्रता फेरीतील 31 खेळाडूंपैकी  फक्त दोन खेळाडूंना फायनलमध्ये थेट प्रवेश मिळाला. यामध्ये कमलप्रीत आहे. कमलप्रीतनं तिसऱ्या प्रयत्नात 64 मीटर लांब थाळी फेकत फायनलमध्ये प्रवेश केला होता. द्रोणाचार्य पुरस्कार विजेता कोच वीरेंद्र पूनिया (Virendra Poonia) यांनी कमलप्रीत यावेळी गोल्ड मेडल जिंकेल असा विश्वास व्यक्त केला आहे. कमलप्रीतनं भारतामधील स्पर्धेत 66.59 मीटर लांब थ्रो केला होता. या प्रदर्शनाची पुनरावृत्ती तिनं टोकयो ऑलिम्पिकमधील फायनलमध्ये केली तर ती गोल्ड मेडल नक्की जिंकेल, असा विश्वास पूनिया यांनी केला आहे. पात्रता फेरीत जोरदार खेळ कमलप्रीतनं दुसऱ्या क्रमांकासह फायनलमध्ये प्रवेश केला आहे. अमेरिकेच्या वालारी अलमॅननं 64.42 मीटर लाबं थाळी फेकत पहिला क्रमांक पटकावला. कमलप्रीत आणि वालरी या दोघींचाही ग्रुप बी मध्ये समावेश होता. ग्रुप ए मधील एकाही खेळाडूला 64 मीटरचा पल्ला गाठता आला नाही. Tokyo Olympics: ऑस्ट्रेलियाला पराभूत करणारा रिअल लाईफमधील कबीर खान कोण आहे? आता फायनलमध्ये अंतिम 12 खेळाडूंची लढत सोमवारी होणार आहे. एथलेटिक्समध्ये भारताला आजवर एकही ऑलिम्पिक मेडल मिळालेलं नाही. कमलप्रीत ऐतिहासिक कामगिरी करणार का? हे लवकरच स्पष्ट होईल. भारताला भालाफेकीत नीरज चोप्राकडूनही अपेक्षा आहे. त्याच्या खेळातील स्पर्धा 4 ऑगस्टपासून सुरू होणार आहे.
    Published by:News18 Desk
    First published:

    Tags: Olympics 2021, Sports

    पुढील बातम्या