विराट-अनुष्काबाबतच्या वादग्रस्त विधानावर पहिल्यांदाच गावसकर यांनी दिली प्रतिक्रिया म्हणाले...

नवी दिल्ली, 25 सप्टेंबर : आयपीएलचा (IPL 2020) तेरावा हंगाम सुरू होऊन केवळ एक आठवडा झाला असताना वादाला सुरुवात झाली आहे. गुरुवात बंगळुरू विरुद्ध पंजाब यांच्यात झालेल्या सामन्यात दिग्गज क्रिकेटपटू आणि समालोचक सुनील गावसकर (Sunil Gavaskar) यांनी कॉमेंट्रीदरम्यान सुनील गावसकर यांनी विराट कोहली आणि अनुष्का शर्माच्या खासगी आयुष्याबाबत वक्तव्य केले, त्यानंतर गावसकर यांना बॅन करण्याची मागणी सुरू झाली. याच सगळ्यात अनुष्का शर्मानंही इन्स्टाग्रामवर पोस्ट करत गावसकर यांच्या टिप्पणीबाबत संताप व्यक्त केला. मात्र या सगळ्या प्रकरणावर सुनील गावसकर यांनी प्रतिक्रिया दिली आहे. गावसकर यांनी इंडिया टुडेशी बोलताना, मी अनुष्काला कारणीभूत ठरवले नाही. माझ्या वाक्याचा विपर्यास केला जात आहे. दरम्यान गावसकर यांनी केलेल्या टिपण्णीचा एका व्हिडीओही सोशल मीडियावर व्हायरल झाला आहे. यामध्ये गावसकर, "विराट कोहलीला माहित आहे कसा सराव करावा. लॉकडाऊनमध्ये त्यानं अनुष्काच्या गोलंदाजीवर सराव केला, याचा एक व्हिडिओ मी पाहिला. पण केवळ ते पुरेसे नाही". मात्र सोशल मीडियावर हा व्हिडीओ एडिट करून चालवण्यात आला होता. त्यामुळे या वादाला सुरुवात झाली. वाचा-सुनील गावसकरांच्या 'त्या; वक्तव्यावर अनुष्का संतापली; म्हणाली....

Here is the video we all have been talking about. #Gavaskar #AnushkaSharma #ViratKohli @imVkohli @AnushkaSharma #ipl #rcb #SunilGavaskar pic.twitter.com/aCRtB6Pr2x

— Vishal Ghandat (@vishalghandat1) September 25, 2020

वाचा-गावसकरांचं विराट आणि अनुष्काबाबत 'वादग्रस्त' विधान; सोशल मीडियावर चाहते भडकले अनुष्कानं व्यक्त केला संताप गावसकर यांनी केलेल्या टिपण्णीवर अनुष्का शर्मा नाराज झाली असून तिने यावर प्रतिक्रिया दिली आहे. अनुष्काने गावसकर यांना तुम्ही दिलेला संदेश अनादर करणारा असल्याचं म्हटलं आहे. पतीच्या कामगिरीसाठी पत्नीला जबाबदार का धरलं असावं? असा प्रश्न उपस्थित करीत अनुष्काने म्हटलं आहे की, “खेळावर भाष्य करताना गेल्या इतक्या वर्षात तुम्ही खेळाडूंच्या खासगी आयुष्याचा आदर केला असेल याची मला खात्री आहे. तितकाच आदर मला आणि आम्हाला असावा असं तुम्हाला वाटत नाही का?”.पुढे तिने म्हटलं आहे की, “मला खात्री आहे की माझ्या पतीच्या कामगिरीवर भाष्य करताना तुमच्याकडे इतर पर्यायी शब्द किंवा वाक्य उपलब्ध असतील. की त्यात माझं नाव जोडताना ते मर्यादित राहतात”, असे पोस्ट केले. मात्र आता चाहत्यांनी अनुष्काला गावसकर यांच्या म्हणण्याचा तो अर्थ नव्हता, असे सांगितले आहे.