News18 Lokmat

Pro Kabaddi League 2019 : प्रो कबड्डीच्या सातव्या हंगामात 'या' इराणी खेळाडूकडे यू-मुंबाचे कर्णधारपद

यू-मुंबाने 2015 साली प्रो कबड्डीचा किताब पटकावला होता. मात्र त्यानंतर त्यांना विजेतेपद मिळवता आले नाही.

Akshay Shitole | News18 Lokmat | Updated On: Jul 17, 2019 08:08 PM IST

Pro Kabaddi League 2019 : प्रो कबड्डीच्या सातव्या हंगामात 'या' इराणी खेळाडूकडे यू-मुंबाचे कर्णधारपद

मुंबई, 17 जुलै: Pro Kabaddi Leagueच्या सातव्या हंगामाला शनिवारपासून (20 जुलै) सुरुवात होणार आहे. गेल्या सहा हंगामांनी प्रत्येक भारतीयाच्या मनात कबड्डी खेळाकरिता उत्सुकता निर्माण केली आहे. त्यामुळं कबड्डीच्या सातव्या हंगामाचीही सर्वजण आतुरतेने वाट पाहत आहे. दरम्यान पहिलाच सामना हा तेलुगू टायटन्स आणि यू मुंबा यांच्यात होणार आहे. दरम्यान यंदाच्या हंगामासाठी आज यू मुंबाने आपल्या संघाच्या कर्णधाराची घोषणा केली.

यू मुंबाने 2015 साली प्रो कबड्डीचा किताब पटकावला होता. अंतिम सामन्यात यू मुंबाने 36-30 अशा फरकाने बंगळुरू बुल्सला पराभूत केले होते. त्यानंतर पुढील मोसमात त्यांना उपविजेतेपदावर समाधान मानावे लागले. त्यामुळं यंदाच्या हंगामात पुन्हा यू-मुंबा मोठी कामगिरी करण्यास सज्ज आहे. यासाठी यू-मुंबाने इराणी खेळाडू फझल अत्राचलीकडे नेतृत्व सोपवले आहे. तर, संदीप नरवाल उपकर्णधार म्हणून काम पाहील.

वाचा- कबड्डीच्या रणसंग्रामाला होणार सुरुवात, जाणून घ्या कोण कोणाशी भिडणार!

असे आहेत यू मुंबाचे प्रमुख खेळाडू

अभिषेक सिंग, अर्जुन देश्वास, अतुल एमएस, डाँग जीओन ली, गौरव कुमार, नवनीत, रोहित बलियान, विनोथ कुमार, राजगुरु सुब्रमनियम, हर्ष वर्धन, अनील, हरेंद्र कुमार, यंग चँग को, फजल अत्राची, सुरेंद्र सिंग, अजिंक्य करपे, मोहित बलयान, संदीप नरवाल

वाचा- सचिन, गांगुली नाही तर 'हे' तीन दिग्गज क्रिकेटपटू निवडणार भारताचे नवे कोच

कबड्डी लीगमध्ये करण्यात आले महत्त्वाचे बदल

आयपीएलप्रमाणे प्रो कबड्डी सामन्यात चुरस वाढवण्यासाठी यंदा साखळी फेरीत सामने खेळवण्यात येणार आहे. त्यामुळे प्रत्येक संघ एकमेकांशी दोनवेळा खेळेल आणि अव्वल सहा संघ प्ले ऑफसाठी पात्र ठरणार आहेत. प्रत्येक शहरात शनिवारी लीग लढतींना सुरुवात होईल, तर मंगळवार हा विश्रांतीचा दिवस असणार आहे.

वाचा- आता तर शास्त्री आणि विराटही म्हणाले; धोनी तुझी गरज आहे, निवृत्ती घेऊ नको!

VIDEO : विमा कंपनीचा अधिकारी सापडला शिवसैनिकांच्या ताब्यात, पुढे काय घडलं?

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Jul 17, 2019 08:08 PM IST
Loading...

ताज्या बातम्या

Loading...