बांऊसर लागल्यामुळे पाकिस्तानच्या तरूण क्रिकेटरचा मृत्यू

पाकिस्तान,16 ऑगस्ट: बांऊसरचा बॉल डोक्यावर लागल्यामुळे जुबैर अहमद या तरूण पाकिस्तानी क्रिकेटरचा मृत्यू झाल्याची माहिती पाकिस्तान क्रिकेट बोर्डाने दिली आहे. जेव्हा जुबैरला बॉल लागला तेव्हा त्याने हेल्मेट घातलं नसल्यामुळे ही दुर्घटना घडल्याचंही पाकिस्तान क्रिकेट बोर्डानं सांगितलं आहे.

जुबैर अहमद हा पाकिस्तानच्या मर्दानाचा रहिवाशी होता. 14 ऑगस्टला तो पाकिस्तानच्या लिस्ट ए या डोमेस्टिक टुर्नामेंटमध्ये क्वेटा बियर्सकडून खेळत होता. खेळत असताना त्याच्या डोक्यावर बॉल लागून तो जखमी झाला होता. यानंतर त्याचा मृत्यू झाल्याची माहिती पीसीबीने ट्विट करून दिली आहे. ऑस्ट्रेलियन क्रिकेटर फिलिप ह्यूजचाही मृत्यूही अशाचप्रकारे 2014 साली झाला होता.

Tragic death of Zubair Ahmed is another reminder that safety gear i.e. helmet must be worn at all times. Our sympathies with Zubair's family pic.twitter.com/ZNmWDYaT5w

— PCB Official (@TheRealPCB) August 16, 2017

First Published: Aug 16, 2017 05:34 PM IST