घरापासून केवळ 20 मिनीटाच्या अंतरावर आहे Virat , पण ... Kohli नं व्यक्त केली खंत

नवी दिल्ली, 24 मार्च: आयपीएल(IPL2022) 15 व्या सिझनच्या सुरुवातीला केवळ दोन दिवस उरले आहेत. कोरोना (Corona) अजूनही पूर्णपणे गेलेला नाही. बीसीसीआयने (BCCI) तेच लक्षात घेऊन अत्यंत कठोर नियमावली तयार केली आहे. आयपीएलमध्ये खेळवण्यात येणाऱ्या प्रत्येक खेळाडूला बायोबबल मधून जाव लागत आहे. यंदाच्या आयपीएल हंगामात खेळाडूंसोबत सर्व खेळाडूंच्या पत्नीही उपस्थित आहेत. दरम्यान, जसप्रीत बुमराह (Jasprit Bumrah) नंतर विराट कोहलीदेखील (Virat Kohli) आपल्या पत्नीच्या विरहात आहे अशी चर्चा क्रिकेट जगतात रंगली आहे. त्यामागचे कारणही तसेच आहे. आयपीएलमधील साखळी फेरीतील 70 सामने मुंबई आणि पुणे येथील 4 स्टेडियमवर होणार आहेत. मुंबईतील वानखेडे स्टेडियम, डीवाय पाटील स्टेडियम, ब्रेबॉर्न स्टेडियम या मैदानांवर सामने होणार आहेत, तर पुण्यातील महाराष्ट्र क्रिकेट असोसिएशन स्टेडियम गहुंजे येथे सामने होणार आहेत. Jasprit Bumrah ला येतेय बायकोची आठवण, सोशल मीडियावरुन संजनाला दिली हाक, ''प्लीज.... -

King Kohli talks about his renewed energy, the confidence he has in Faf, and more on @kreditbee presents Bold Diaries.#PlayBold #WeAreChallengers #IPL2022 #Mission2022 @imVkohli pic.twitter.com/QQlaAFTpuO

— Royal Challengers Bangalore (@RCBTweets) March 22, 2022

घरापासून दूर राहणे आणि हॉटेलमधील क्वारंटाईनच्या वेळेबद्दल बोलताना कोहलीने आरसीबी बोल्ड डायरीवर बोलताना सांगितले की, मला हॉटेलमध्ये राहणे आवडत नाही कारण मी मुंबईत आहे आणि माझे घर येथून 20 मिनिटांच्या अंतरावर आहे. पण मी घरी जाऊ शकत नाही. आपण काहीही करू शकत नाही, परंतु आता जे आहे ते आहे. आता दोन कार्यक्रम पहा, एक पुस्तक वाचा आणि घरी बरेच व्हिडिओ कॉल करा. कोहली म्हणाला की, माझे लक्ष आता स्पष्ट झाले आहे की मला काय करायचे आहे. मला मैदानावर खूप मजा करायची आहे आणि माझे सर्व काही संघ आणि फ्रेंचायझीला द्यायचे आहे. जसे मी इतक्या वर्षात आणि कोणत्याही ओझ्याशिवाय आहे. मी मैदानात उतरण्यासाठी सज्ज झालो आहे. रॉयल चॅलेंजर्स बंगळुरू 27 मार्च रोजी आयपीएल 2022 मध्ये पहिला सामना खेळेल. आरसीबीचा संघ मयंक अग्रवालच्या पंजाब किंग्जविरुद्ध मैदानात उतरणार आहे.