IPL Mega Auction पूर्वीच CSK चा ‘थलाइवा’ चेन्नईत दाखल, काय आहे कारण?

नवी दिल्ली, 28 जानेवारी: आयपीएल(IPL2021) गतविजेत्या चेन्नई सुपर किंग्ज संघाचा कर्णधार एम एस धोनी (MS Dhoni ) थेट चेन्नईमध्ये दाखल झाला आहे. आयपीएल मेगा ऑक्‍शनआधीच (IPL Mega Auction2022) तो चेन्नईत पोहचल्यामुळे क्रिकेट जगतात एक वेगळीच चर्चा रंगली आहे. धोनी चेन्नईचा सुपर किंग्ज संघाचा(CSK) ‘थलाइवा’ म्हणून ओळखला जातो. आयपीएल मेगा ऑक्‍शनला अजून दोन आठवडे बाकी आहेत. दरम्यान, धोनी चेन्नईत दाखल झाल्याने चर्चेला उधाण आले आहे.

आयपीएल 2022 (IPL 2022) पूर्वी फेब्रुवारी महिन्यात स्पर्धेचा मेगा ऑक्‍शनचे आयोजन करण्यात येणार आहे. चेन्नई सुपर किंग्जचा कर्णधार एमएस धोनी (ms dhoni) याच्यासाही हा शेवटचा आयपीएल हंगाम असण्याची शक्यता आहे. अशात धोनी या हंगामाला अधिक गांभीर्याने घेत असल्याचे दिसते. मेगा ऑक्‍शनला अजून तीन आठवड्यापेक्षा कमी वेळ शिल्लक आहे, पण धोनी मात्र त्याच्या नियोजनासाठी आतापासूनच चेन्नईमध्ये दाखल झाला आहे.

The goes , every single time! #ThalaDharisanam #WhistlePodu pic.twitter.com/IihZJsuDVQ

— Chennai Super Kings - Mask Pdu Whistle Pdu! (@ChennaiIPL) January 27, 2022

मिळालेल्या माहितीनुसार, मेगा ऑक्‍शन12 आणि 13 फेब्रुवारीला बेंगलोरमध्ये आयोजित करण्यात आले आहे. त्यापूर्वी धोनी चेन्नईत लिलावाची रणनीती तयार करण्यासाठी दाखल झाला आहे.

तसेच, धोनी स्वतः लिलावाच्या ठिकाणी उपस्थित असणार आहे. तो याठिकाणी मेगा ऑक्‍शनच्या तयारीवर चर्चा करेल. असे असले तरी परंतु हा त्याचा वैयक्तिक निर्णय असेल की, त्याला मेगा लिलावासाठी उपस्थित राहायचे आहे की, नाही.

चेन्नई सुपर किंग्ज संघ सध्या 2022 च्या आयपीएलसाठी सर्व तयारी करत आहे. 2022 मध्ये पाचव्यांदा आयपीएलच्या विजेतेपदाची ट्रॉफी मिळविण्यासाठी मेगा लिलावापूर्वी संघाने आपल्या चार प्रमुख खेळाडूंना कायम ठेवले आहे. यामध्ये धोनीच्या नावाचाही समावेश आहे.

यावेळी चेन्नई सुपर किंग्सच्या व्यवस्थापनाने पहिला खेळाडू रवींद्र जडेजाला 16 कोटींची सर्वाधिक रक्कमेत संघात कायम ठेवले आहे. त्यानंतर महेंद्रसिंग धोनीला 12 कोटींहून अधिक रक्कम मोजत संघात कायम ठेवले आहे.