IPL 2021 : ज्या खेळाडूवर धोनीने विश्वास दाखवला नाही, तोच रोहितला चॅम्पियन बनवणार!

IPL 2021 : ज्या खेळाडूवर धोनीने विश्वास दाखवला नाही, तोच रोहितला चॅम्पियन बनवणार!

आयपीएलच्या (IPL 2021) यंदाचा मोसम सुरू व्हायला आता अवघे काही तास शिल्लक आहेत. 9 एप्रिलला मुंबई इंडियन्स आणि रॉयल चॅलेंजर्स बँगलोर (Mumbai Indians vs RCB) यांच्यातल्या पहिल्या मॅचने या हंगामाची सुरूवात होईल. मागच्या मोसमात चेन्नई सुपरकिंग्सकडून (CSK) खेळणाऱ्या लेग स्पिनर पियुष चावला (Piyush Chawala) याला मुंबईने लिलावात 2.4 कोटी रुपयांना विकत घेतलं.

  • Share this:

चेन्नई, 8 एप्रिल : आयपीएलच्या (IPL 2021) यंदाचा मोसम सुरू व्हायला आता अवघे काही तास शिल्लक आहेत. 9 एप्रिलला मुंबई इंडियन्स आणि रॉयल चॅलेंजर्स बँगलोर (Mumbai Indians vs RCB) यांच्यातल्या पहिल्या मॅचने या हंगामाची सुरूवात होईल. गतविजेती आणि आतापर्यंत पाच वेळा आयपीएल ट्रॉफीवर नाव कोरणाऱ्या मुंबई इंडियन्सने यंदा टीममध्ये काही बदल केले आहेत. मागच्या मोसमात चेन्नई सुपरकिंग्सकडून (CSK) खेळणाऱ्या लेग स्पिनर पियुष चावला (Piyush Chawala) याला मुंबईने लिलावात 2.4 कोटी रुपयांना विकत घेतलं.

पियुष चावलाच्या कौशल्याचा मुंबई इंडियन्सना फायदा तर होईलच, पण टीममधल्या युवा स्पिनरनाही तो त्याच्या अनुभवामुळे मदत करेल, असं मुंबई इंडियन्सने सांगितलं आहे. रोहित शर्मानेही (Rohit Sharma) पियुष चावलामुळे टीममध्ये आल्यामुळे टीमचा फायदा होईल, अशी प्रतिक्रिया दिली. 'मी पियुषसोबत अंडर-19 पासून खेळलो आहे. पियुषसारखा आक्रमक बॉलर मला टीममध्ये हवा होता. आयपीएलमध्ये सर्वाधिक विकेट घेणाऱ्या बॉलरपैकी तो एक आहे. आयपीएलमध्ये तो बऱ्याच मॅच खेळला आहे, त्यामुळे त्याला हा फॉरमॅट, प्रतिस्पर्धी आणि खेळाडूंबाबत बरीच माहिती आहे,' असं रोहित म्हणाला.

पियुष चावलाही मुंबई इंडियन्सशी जोडला गेल्यामुळे खूश आहे. 'मी खूप आनंदी आणि उत्साही आहे, कारण मुंबई गतविजेती आणि सर्वाधिक आयपीएल जिंकणारी यशस्वी टीम आहे,' असं वक्तव्य पियुष चावलाने केलं. पियुष चावला टीममध्ये आल्यामुळे युवा बॉलर राहुल चहरलाही मदत मिळेल, असा विश्वास मुंबई इंडियन्सचा डायरेक्टर ऑफ क्रिकेट ऑपरेशन्स झहीर खानने (Zaheer Khan) व्यक्त केला आहे.

Published by: Shreyas
First published: April 8, 2021, 8:39 PM IST

ताज्या बातम्या